Josué 23:3 - Biblia Enxet

³ Kélweteyak axta kéxegke ekyókxoho apteméssessamakxa axta Wesse' egegkok ma'a apyókxoho énxet'ák ektáha axta apkelenmexma, hakte axta han apkelnápomákpok apkelmasma kéxegke m'a.

Josué 23:3 交叉參考

Éxodo 14:14

Nágkatneykha kélwáxok, Wesse' egegkok sa' elnapakpok elmeyók kéxegke.

Éxodo 19:4

‘Kélweteyak kéxegke sekteméssessamakxa axta ko'o m'a egipcios, tén han ma'a ektémakxa axta seknaqleykento ko'o kéxegke m'a sekhakxa nak, máxa axta kéltemék kélxegeykmo m'a ektémól'a náta ekyawe kaxnésha néten axempenák ma'a étkók.

Ezequiel 20:28

Xama axta séltémo ko'o kólántexek ma'a xapop séltennassamakxa axta ekmámnaqsoho agko' agkések, yohók axta kéltáha kélseykekxexa chá'a aqsok kélnapma kélwet'a m'a egkexe netno nak tén han ma'a yámet ekxámokma nak áwa', kéllánegweykekxeyk axta nahan chá'a aqsok kélmésso naqsa kélagkok sektaqnagkamo ahagko' nak ko'o m'a; kélnegkenweykekxeyk axta chá'a m'a aqsok ekmátsa nak ekpaqneyam, kélyegkenweykekxeyk axta nahan chá'a m'a anmen yámet égmenek kélmésso naqsa kélagkok nak.

Malaquías 1:5

Kélaqta'ák kélagko' sa' kéxegke kólweta', tén sa' kóltéhek kólpaqmétek se'e: “¡Apwányam apagko' Wesse' egegkok, apyeykhayók ma'a teyp nak néxa xapop apagkok énxet'ák Israel!”

Deuteronomio 1:30

Dios Wesse' kélagkok apxegak kélmonye'e kéxegke, elnapakpok sa' nahan elmeyók kéxegke, ekhawo m'a kélweteya axta apteméssessamakxa m'a Egipto,

Deuteronomio 20:4

hakte apheyk kélnepyeseksa kéxegke m'a Dios Wesse' kélagkok; sa' elnapakpok kélenmexma nak kéxegke m'a, sa' elmallahanchesek nahan ma'a.’

Deuteronomio 4:9

Nágkalwagqamák chá'a m'a aqsok kélwete nak, nágkólyensem chá'a xama enxoho ekxéneykha kélwáxok; kóltennasha chá'a m'a kélketchek tén han ma'a kéltawán'ák.

Deuteronomio 7:17

“Sa' kexa eykhe katnehek kéxegke kalchetmok kélwáxok se'e: ‘Apxámók apagko' nak la'a m'a énxet'ák nak, maghawok negko'o; ¿Háxko sa' kexa antéhek ólántekkesek?’

Deuteronomio 7:24

Elmések sa' kéxegke yaqwayam kólmok ma'a kelwesse'e apkelwányam apagkok nak, keñe sa' kéxegke kólteméssesek meyke ekxénweykekxoho chá'a kélwáxok keso náxop. Méko sa' xama enxoho apmopwána yenmexekxak kélnápomáxche kéxegke xa énxet'ák nak, kólsawhohok sa' kéxegke kólmasséssók ma'a apyókxoho nak.

Josué 10:14

Axta kótémaxchek katnehek ma'a nanók axta, megkatneheykekxohok makham se'e kaxwo' nak, cham'a apháxenmókxa axta appeywa Wesse' egegkok xama énxet, hakte Wesse' egegkok axta han apkelnápomákpok appasmoma m'a énxet'ák Israel.

Josué 23:10

Kélxama aqsa kéxegke kélwanchek kólmenxenek ma'a mil énxet'ák, hakte Dios Wesse' kélagkok apkelnápomákpok apkelmasma kéxegke, ekhawo apkeltennassamakxa axta etnéssesek.