16 Cháxa xapop ekpehewayam axta apkelxawéyak ma'a Zabulón énxet'ák apagkok apnámakkok, yetlo m'a tegma apkelyawe nak tén han tegma apketkók aphéyak nak nepyáwa'.
Apheykegkek axta han doce tegma apkelyawe xa yókxexma nak, yetlo tegma apketkók aphéyak ma'a nepyáwa': cham'a Catat, Nahalal, Simrón, Idalá tén han Belén.
Cuatro axta entáhak ektawásamáxche aqsok, keñe élpehewokmo apkelxawéyak xapop apagkok ma'a Isacar énxet'ák apagkok apnámakkok.
