Josué 16:9 - Biblia Enxet

⁹ Apkelxaweykegkek axta han Efraín énxet'ák apagkok pók xama tegma apkelyawe, tén han tegma apketkók apheykegko axta m'a neyseksa xapop apagkok nak Manasés énxet'ák apagkok.

Josué 16:9 交叉參考

2 Samuel 2:9

apteméssessámxa axta wesse' apwányam ma'a Galaad, Guesurí, Jezreel, Efraín, Benjamín, tén han ma'a ekyókxoho kañe' nak Israel.

1 Crónicas 7:28

Tén axta xapop apagkok tén han apheykegkaxa m'a Betel; Naarán, ekpayho nak ekteyapmakxa ekhem; Guézer, ekpayho nak ektaxnegwánxa ekhem; tén han Siquem, ekweykekxoho m'a Ayah; apyókxoho xa tegma apkelyawe nak yetlo tegma apketkók apagkok.

Josué 16:10

Axta eyke elántekkessók Efraín énxet'ák apagkok Guézer ma'a cananeos apheykencha'a axta m'a. Apchahayók axta aqsa apheykencha'a nepyeseksa, apkeltémók axta eyke eltemeykha etnahagkok apkelásenneykha naqsa. Makhemek makham apheykha cananeos xa yókxexma nak.

Josué 16:8

Xegamchek axta néxa xapop ma'a ekpayho nak ektaxnegwánxa ekhem eñama m'a Tapúah, ekweykekxoho m'a alwáta' nak ma'a Caná, tén han wátsam ekwányam nak Mediterráneo. Cháxa xapop élpeheweykmo axta apkelxawéyak ma'a Efraín énxet'ák apagkok, tén han kélmeyáseyak axta chá'a ektáhakxa nak apnámakkok.

Josué 17:9

Keñe m'a néxa xapop nak ekweyweykento ekmeyeykekxo m'a ekpayho nak nepyeyam, ekweykekxoho m'a alwáta' nak Caná, cháxa tegma apkelyawe apagkok nak Efraín, apheykegkek axta m'a nepyeseksa nak Manasés tegma apkelyawe apagkok, axta eykhe néxa xapop apagkok Manasés ma'a teyp alwáta' ekpayho nak nexcheyha, tén han ma'a ekyephagweykekxa nak wátsam ekwányam.