Jeremías 9:8 - Biblia Enxet

⁸ Máxa yágke aktek segaqhamól'a m'a apkelpeywa nak, apkelmopwancha'a amya'a chá'a etnahagkok. Kaltaqmalmakha chá'a apkelpeywa elának apnámakkok, keytna katnehek apkelwáxok yaqwánxa etnéssesek.

Jeremías 9:8 交叉參考

2 Samuel 3:27

Xama axta apwákxo Abner ma'a Hebrón, apya'ássek axta Joab nekha átog nak tegma apwányam, yaqwayam epaqhetchesek apxakko', cha'a apchaqhakxa axta han apkelyetxaqkasa apwokmo m'a, yaqwayam exnésseshok mók apchaqhássesso m'a apyáxeg Asael.

Salmos 12:2

Elyexanchesha aqsa chá'a pók; atsek chá'a katnehek apkelpeywa háwe eyke naqso', eyaqmagkasek chá'a mók ektáhakxa apkelpeywa.

Salmos 12:3

Wesse', emasséssamho apagko' ma'a apkelxeyenma nak chá'a meltemegweykmoho exma, tén han ma'a éleymáxkoho nak chá'a apkelpaqméteykha,

Salmos 120:3

¿Háxko sa' etnéssesek kéxegke Wesse' egegkok kélpaqméteykha nak chá'a ekmaso?

Salmos 28:3

Ná heñássesagkoho aqsa xamo' ma'a élmasagcha'a nak apkeltémakxa, nágyoho hetnehek ma'a ektamheykegkaxa nak apkeláneykegkoho nak aqsok ekmaso, negane nak kaltaqmeláha apkelwáxok elának pók, láneyók eyke m'a aqsok élmasagcha'a.

Salmos 35:20

Mopmenyeyk elwátésagkok apkello m'a, apmopwancha'a amya'a aqsa chá'a etnahagkok elxénagkok ma'a énxet'ák meyke nak apkello negókxa';

Salmos 55:21

Elmaha chá'a m'a apkelpeywa éltaqmalma nak, ekyeykhágweykmohol'a m'a weyke nam'agkok apyegmenek pexmok agkok, keñe m'a apkelwáxok nak élxéneykencha'a m'a kempakhakma. Elmaha chá'a m'a apkelpeywa éltaqmalma nak, ekyeykhágweykmohol'a m'a pexmok égmenek, sawo élmahamtakcha'a eyke m'a apkelpeywa nak.

Salmos 57:4

Ekyetnegkek ko'o náxop neyseksa yámakméwa ektómo nak chá'a énxet; máxa sawhéwa m'a am'ák nak, tén han yágke aktek, keñe m'a axkok nak, ekhawo m'a sókwenaqte ekmahantal'a.

Salmos 62:5

Dios apteme wánxa segkésso meyke ektáhakxa sekha; hakte cha'a keñamak sélhaxneykha chá'a ko'o m'a.

Salmos 64:8

apkelpeywa apagkók sa' kálsexnáneyekxa', elesmaksek sa' chá'a m'a ektáha nak chá'a apkelwete.

Proverbios 25:18

Sawo ekyentaxno, sókwenaqte, tén han yágke aktek ekmahamta agko', ¡cháxa apyetchásamákpoho m'a énxet apxeyenma nak aqsa apmopwána amya'a apxegexma meykexho aptáhakxa!

Jeremías 5:26

Apyetneyk nepyeseksa énxet'ák ahagkok ma'a énxet'ák élmasagcha'a nak apkeltémakxa, apkelyexanmeykha nak chá'a, aptémól'a m'a aptegyéyak nátétkók, apnegkenma nak chá'a kelhanma yaqwayam elmok ma'a apnámakkok.

Jeremías 5:9

¿Mallegássesagkóya sa' ko'o eñama apkeláneyak xa aqsok nak? ¿Matnésseseya sa' ko'o ekpayhawo nak atnéssesek séllegassáseykegkoho énxet'ák aptamhéyak nak xa ektéma nak?

Jeremías 9:3

Yahamok chá'a héltennasha apkelmopwancha'a amya'a, máxa m'a ektémól'a yágke kólhaxtaqpog aktek. Yetnegkek negmowána amya'a m'a apchókxa, méko m'a amya'a ekmámnaqsoho nak; Yágweykmók aqsa ekteyapma aqsok ekmaso, Wesse' egegkok apagko' nahan apteme appeywa s'e: “Memáheyók hékpelchágwók ko'o.”

Jeremías 9:4

Nágkóleyxho kaxwók ma'a kélxegexma nak, tén han ma'a kélyáxeg kélagko' nak, hakte elyexanchesha nahan chá'a pók ma'a apkelyáxeg apancha'awo nak, elxénekxohok nahan chá'a ekmaso pók ma'a apkelxegexma'a nak.

Jeremías 9:5

Elyexanchesha chá'a pók, méko xama enxoho apxeyenma amya'a ekmámnaqsoho. Keltámeyeykegkek aptamhéyak apkelmopwancha'a amya'a; apnaqtawásamákpe', mopwanchek

Miqueas 6:12

Apyókxoho kelwesse'e apheykha nak se'e tegma apwányam apnaqtawáseykegkoho m'a apmopyóseka nak; apkelmopwancha'a amya'a nahan apyókxoho apheykha nak ma'a, tén han apkelyexancháseykha chá'a pók.