Jeremías 51:41 - Biblia Enxet

⁴¹ ¡Apteyekmek ma'a Babilonia, apxénamap nak ekyókxoho yókxexma, apmákpe'! ¡Apkelyegwakkek apkelwet'a ektáhakxa m'a apyókxoho énxet'ák!

Jeremías 51:41 交叉參考

Jeremías 25:26

tén han apyókxoho kelwesse'e apkelwányam apheykha nak nexcheyha, apheykha nak chá'a keto' essenhan makhawók chá'a m'a pók, cham'a ekyókxoho apkelókxa nak keso náxop. Axayók sa' eyke ének ma'a wesse' apwányam Babilonia.

Isaías 13:19

Keñe sa' ma'a Babilonia, apchókxa ektaqmalma nak ma'a énxet'ák, eyaqheykencha'a nak chá'a apkelwáxok ma'a caldeos, kaxnágwakxohok sa' ma'a Sodoma tén han Gomorra, cham'a sekmassesseykmo axta ko'o.

Jeremías 49:25

Aptaqmópegkek ma'a tegma apwányam, apxénamakpoho nak chá'a ekyókxoho yókxexma, tén han ekpayheykekxoho axta chá'a apwáxok.

Daniel 4:30

aptáhak axta s'e: “¡Awanhók agko' nak la'a s'e Babilonia! Ko'o axta sélane yetlo sekmowána, sekhamakxa chá'a sektémakxa wesse' apwányam, yaqwayam enxoho kataxchek seyeymáxkoho.”

Daniel 4:22

xeyep xa yámet nak, wesse', eyánteykegko nak apteme ekha kéláyo, tén han apyennaqte. Chánteykegkek xép apteme apcheymákpoho, wesse', weykmók ma'a néten, sawheykekxók han apkeláneykha ekyókxoho yókxexma nak keso náxop.

Daniel 2:38

keñe han apkeláneykha ekyókxoho yókxexma apheykegkaxa nak énxet'ák, aqsok nawha'ák tén han náta; cha'a apmésso ekyókxoho aqsok yaqwayam elanha wesse', apyetchesamakpoho nak ma'a kéleykmássesso apqátek sawo ekyátekto ekmomnáwa nak.

Ezequiel 27:35

Apkelyegwakkek apkelwet'a exchep ma'a apyókxoho énxet'ák apheykha nak ma'a egkexe étkók neyseksa wátsam ekwányam; apkelpexyennegkek apkelaye m'a apkelwesse'e apkelwányam apagkok, negyekpelchawók nápaqta'a apkelyegwaya.

Jeremías 51:37

peya nak etnekxak ektaháneykekxa mók meteymog, élleykegkaxa semheg nawha'ák, meyke énxet apha, elyegwakkasek sa' chá'a apyókxoho énxet, yeyk sa' nahan chá'a.

Jeremías 50:46

Kaxtegyók sa' ekyennaqte agko' apteyekmo sa' ma'a Babilonia, kayawheykha sa' xapop, kañexkohok sa' élpayheykha apatña'ák ma'a mók apkelókxa nak.”

Jeremías 50:23

¡Paqxeyk ma'a Babilonia, ekho nak sawo ekyentaxno kéltekpageykha chá'a apyókxoho énxet'ák keso náxop, nekha'a étkók tamhákxa'! ¡Apkelyegwakkek pók aptémakxa énxet'ák apkelwet'a ektáhakxa m'a Babilonia!

Isaías 14:4

kólyetsetek sa' se'e eknaqtáxésamaxche nak amya'a yaqwayam sa' kólwanyaha m'a wesse' apwányam Babilonia: “¡Kóllano ektáhakxa wesse' aplo! ¡Kóllano ektáhakxa ekmassegwokmo m'a apcheymákpoho!

2 Crónicas 7:21

Keñe sa' se'e tegma appagkanamap nak, kélteméssessama axta chá'a apcheymákpoho, meteymog ektaháneykekxa mók sa' etnekxa', keñe sa' ma'a apyókxoho apkelyeykhágwayam enxoho chá'a, elyegweyk sa' chá'a elweta', keñe sa' etnehek chá'a elmaxneyha s'e: ¿Yaqsa kexa ektéma apteméssessama nak Wesse' egegkok se'e apkelókxa nak, tén han se'e tegma appagkanamap nak?

Deuteronomio 28:37

elyegweyk sa' chá'a elwetak apyókxoho énxet apkelya'asakxa enxoho chá'a m'a Wesse' egegkok, elya'ássók sa' chá'a yetlo apkelesmésso.