Jeremías 51:16 - Biblia Enxet

¹⁶ Appeywa ekyennaqte chá'a epáwaksek awáxok yegmen ekyetnama nak néten, etekkesek chá'a yaphope éleñama m'a néxa xapop nak; etekkesek chá'a apkelyenma neyseksa ekmámeye; etekkesek chá'a éxchahayam eñama m'a appekkenmakxa nak.

Jeremías 51:16 交叉參考

Génesis 8:1

Xénwákxok axta apwáxok Dios Noé, tén han ekyókxoho aqsok nawha'ák élántaxnamo xamók axta yántakpayhe, apcháphássek axta éxchahayam keso náxop, tén axta ekwéweynto yegmen.

Job 37:13

Cháxa apchásenneykekxa chá'a Dios yaqwayam ellegássesagkohok énxet'ák xa, essenhan yaqwayam exekmósek chá'a ektaqmeleykha apwáxok elano'.

Job 38:22

¿Apweykmeya han ma'a seknegkenmakxa nak yeyam appok tén han yegmen élyennaqte

Job 40:9

¿Apmeyhek enxeykel'a exchep, sektéma nak ko'o? ¿Kaxtegyawhoya exchep xa appeywa ektéma nak ko'o?

Salmos 104:7

Appaqhetchessegkek axta eyke exchep, keñe élxegama; yetlómok axta ényehéyak eklegaya appeywa éxtegyawà.

Salmos 135:7

Elya'ásekxak chá'a néten yaphope éleñama m'a makhawók agko' nak nélwanmeygkaxa, etekkesek chá'a apkelyenma magkenatchesso peya kamme', etekkesek chá'a éxchahayam eñama m'a appekkenmakxa nak.

Salmos 147:18

Apméssek agkok appeywa, keñe elpayhekxa'; yának chá'a kaxchahá', keñe kanyehek yegmen.

Salmos 18:13

Kextegyawomchek axta appeywa Wesse' egegkok meyke nak Ekhémo m'a néten; neyseksa ektéyam yegmen élyennaqte, tén han átex éláléweyak.

Salmos 46:6

Kalpayheykha chá'a apatña'ák énxet'ák, elpexyennók chá'a énxet apheykha nak apkelókxa, kapaqxek chá'a xapop apkellegásawo enxoho chá'a appeywa énxet'ák ma'a Wesse' egegkok.

Salmos 68:33

cham'a apxegamo nak chá'a netno' nak, néten nanók ekyetnamakxa nak! Kóleyxho ektáhakxa éxtegyawà appeywa, cham'a appeywa ekyennaqte nak.

Salmos 78:26

Teyapmakxa ekhem axta keñamak aptekkessama éxchahayam, tén han nepyeyam, kexchaheykmek axta néten; ¡Dios axta aptekkesso yetlo apmopwána!

Éxodo 10:13

Apya'ássek axta apmek ekpayhókxa Egipto m'a Moisés, tén axta Wesse' egegkok aptekkesa éxchahayam eñama m'a ekteyapmakxa ekhem, kexchahakmek axta nahan xama ekhem tén han xama axta'a m'a apchókxa nak. Mók ekhem axta nahan entáhak, élwagkassa'a sawa' xa éxchahayam nak,

Éxodo 10:19

Keñe axta Wesse' egegkok apyaqmagkasa makham mók éñamakxa m'a éxchahayam. Aptemessásekxeyk axta ekyennaqte agko' éxchahayam eñama m'a ektaxnegwánxa ekhem, cham'a élsawa axta nahan sawa' m'a, kexakhagwokmek axta m'a kañe' Wátsam Ekyexwase awáxok. Méko axta xama enxoho apkeymomap sawa' m'a ekyókxoho kañe' Egipto.

Éxodo 14:21

Apya'ássek axta apmék ekpayhókxa neyseksa wátsam ekwányam ma'a Moisés, tén axta Wesse' egegkok apcháphasa éxchahayam ekyennaqte agko' eñama m'a ekteyapmakxa ekhem, kexchahakmek axta nahan yókxoho axta'a m'a, tén axta ekmeykásekxo neyseksa élana ánet nekhaw'ék ma'a wátsam ekwányam nak. Xapop agko' axta aptemessásekxak Wesse' egegkok ma'a neyseksa wátsam ekwányam,

Ezequiel 10:5

Wokmók axta nahan eklegamaxkoho apkelpáwasso apxempenák apho nak énxet ekha apxempenák ma'a yókxexma, ekyawakxa nak apwáxok ma'a tegma. Máxa axta entáhak ma'a ektémól'a elpaqmétek ma'a Dios ekha nak apyennaqte.

Amós 9:7

Aptáhak Wesse' egegkok se'e: “Israelitas, kélhawók kéxegke sélányo m'a etiopes, méko kélyeykhamaxche kélmók. Eknaqleykenteyk axta ko'o kéxegke kéleñama m'a Egipto, eknaqleykenteyk axta ko'o filisteos apkeleñama m'a Creta, keñe arameos apkeleñama m'a Quir.”

Jonás 1:4

Aptekkessek axta eyke éxchahayam ekyennaqte agko' Wesse' egegkok ma'a neysekso nak wátsam ekwányam, yetlo élyaqyahayam élyawe agko' yegmen. Máxa axta entáhak peya enxoho katnéssesek nekha'a étkók yántakpayhe.

Jonás 4:8

Xama axta ekwa'a néten ekhem, apkeltamhók axta kaxchahák Dios ekmexanma eñama m'a ekteyapmakxa ekhem, apwetágkok axta peya kápok ma'a Jonás hakte payhawók axta ekmexanma m'a aphakxa, apkeltamhók axta yetsapok. —Tásek ko'o watsapok, kaxnók aweynchamha chá'a— axta aptáhak.