Jeremías 27:13 - Biblia Enxet

¹³ ¿Yaqsa ektáha apkeltamho nak xép yetsapok, tén han énxet'ák apagkok, eñama kempakhakma, meyk, tén han negmasse? Hakte apxénchek Wesse' egegkok katnehek apyókxoho énxet'ák xa, melmésamap nak ma'a wesse' apwányam Babilonia.

Jeremías 27:13 交叉參考

Ezequiel 18:31

Kólyenyekxa ekyókxoho aqsok élmasagcha'a kélláneykegko nak chá'a sélenmexeykencha'a ko'o, kólmekxa axnagkok kélwáxok tén han axnagkok kéltémakxa. ¿Yaqsa eyke ektáha kéltamho nak kóletsapok, énxet'ák Israel

Jeremías 27:8

Yetneyk sa' agkok chá'a mók xam'a apkelókxa, essenhan kelwesse'e apkelwányam melmésamap ma'a Nabucodonosor, wahak sa' chá'a ko'o kempakhakma, meyk, tén han negmasse, ekwokmoho apkelma m'a apyókxoho nak. Ko'o sekxeyenma xa, sektáha nak Wesse'.

Proverbios 8:36

keñe m'a énxet ektáha nak sétnakhasso ko'o, cháxa aptawásekpoho apagko' xa; ¡apyókxoho ektáha nak chá'a setaqnagko ko'o, cháxa aptáha apchásekhayo m'a nétsapma!”

Ezequiel 33:11

Naqsók eyke ko'o sekxéna sektáha nak Wesse' mamassegwayam, mómenyeyk yetsapok ma'a énxet ekmaso nak aptémakxa, émeñeyk aqsa eyaqmagkasek aptémakxa, keñe megyetsepe'. Israel, eyenyekxa xa aptémakxa ekmaso apmeykencha'a nak. ¿Yaqsa ektéma apkeltémo nak yetsapok?’

Ezequiel 18:24

“Apkelwátessek agkok aptémakxa ekpéwomo m'a énxet ekpéwomo nak aptémakxa, apkelánekxo enxoho ekyókxoho m'a aqsok ekmaso ektaqnómaxkoho nak, apkeláneykegko nak ma'a énxet'ák élmasagcha'a nak apkeltémakxa, ¿xéncheya kélwáxok kéxegke megyetsepek xa? Megkaxénwakxók sa' chá'a ko'o ewáxok ma'a ekyókxoho aqsok ektaqmela axta apkelane: yetsapok sa' eñama apkelwátesseyam sétleykha tén han aptémakxa mey'assáxma.

Ezequiel 14:21

“Ektáhak ko'o sekpeywa s'e sektáha nak Wesse': Kayágwomhok sa' aqsa ekmaso seyáphasa sa' ko'o cuatro nenlegeykegkoho ekmaso agko' ma'a Jerusalén, cham'a kempakhakma, meyk segaqhe, aqsok nawha'ák éllo tén han ma'a negmasse ekmaso, yaqwayam sa' kalnápok ma'a énxet tén han ma'a aqsok kélnaqtósso.

Jeremías 38:20

Aptáhak axta Jeremías apchátegmowágkokxo s'e: —Wesse', memhehek sa' eyke exchep ma'a. Elyahakxoho Wesse' egegkok appeywa, séltennasa exchek xép wesse', keñe sa' tásek katnehek apha, ewagkasakpok sa' teyp.

Jeremías 38:2

“Keso aptáhakxa exchek Wesse' egegkok se'e: ‘Kempakhakma sa' yetsapok ma'a apheykekxa enxoho tegma apwányam, essenhan meyk, tén han negmasse. Keñe sa' ma'a apteyapma enxoho, apmeyásamap enxoho m'a caldeos, ewagkasakpok sa' teyp.’

Jeremías 24:9

Wának sa' ko'o káhapwak aqsok ekmaso agko' ma'a, yaqwayam sa' kalyegwakkasek chá'a elwetak ma'a apyókxoho énxet'ák apheykha nak keso náxop, elasmésakpok sa' chá'a ekyókxoho apkelókxa sélya'asakxa enxoho chá'a ko'o waxpánchesek, eltaqnaweykpok sa' nahan, kóltamhok sa' nahan chá'a kaltemégwomhok exma ekmaso.

Jeremías 17:4

Kólántépok sa' ma'a xapop sekmeyáseykekxa axta ko'o kéxegke, atnéssesek sa' apkelásenneykha naqsa kélenmexma m'a apchókxa megkólya'ásegkaxa nak kéxegke, hakte eklókek ko'o, máxa táxa sa' katnehek kamasséssók kéxegke.”

Jeremías 38:23

Axta aptáhak Jeremías apcháneya wesse' apwányam se'e: —Kólmések sa' caldeos ekyókxoho apnaqteyegka'a nak xép, wesse', ekweykekxoho m'a apketchek, megyegketek sa' xép xa énxet'ák nak, kólmések sa' wesse' apwányam Babilonia, kólwatnek sa' ma'a tegma apwányam.