Jeremías 24:5 - Biblia Enxet

⁵ Ektáhak ko'o sekpeywa s'e, sektáha nak Wesse', Dios apagkok nak Israel: Máxa higo ekyexna éltaqmalma sa' ko'o atnéssesek alanok ma'a énxet'ák Judá, séláphassama axta ko'o kólnaqlakxak ma'a caldeos apchókxa apkeleñama s'e. Kataqmalmakha sa' ko'o ewáxok alano',

Jeremías 24:5 交叉參考

Salmos 119:67

Xámok axta aqsok magwaqhémo, mehenyassáseykegkaxa axta, élyaheykekxók eyke kaxwók ma'a appeywa.

Salmos 119:71

Tásek setnéssessamakxa setnessáseykekxo mékoho, cháxa keñamak séltámeya nak ma'a segánamakxa apagkok.

Jeremías 24:4

Tén axta aptáha seyáneya Wesse' egegkok se'e:

Jeremías 29:11

Ekya'ásegkók ko'o sekmáheyókxa atnéssesek kéxegke, yaqwayam kataqmelekxak kélheykha, háwe m'a ekmaso nak kélheykha, yaqwayam sa' kayágwomhok agko' kélhaxneykha m'a egmonye' sa'. Ko'o sekxeyenma xa, sektáha nak Wesse'.

Jeremías 29:20

Kólyahakxoho chá'a sekpeywa, kélyókxoho sélántekkesso axta s'e Jerusalén nak, sélya'assama m'a Babilonia.’)

Jeremías 29:4

“Keso aptáhakxa nak apkelxéna Wesse' ekha nak apyennaqte, Dios apagkok nak Israel apyókxoho m'a énxet'ák apkelántekkesso axta Jerusalén, apkeláphassama m'a Babilonia:

Ezequiel 11:17

Etne sa' nahan elának se'e: ‘Keso aptáhakxa exchek Wesse' egegkok se'e: Anaqlósawakxak sa' ko'o makham kéxegke m'a apkelókxa nak sélya'assamakxa axta séxpánchessama, nepyeseksa nak ma'a pók aptémakxa énxet, wánchásekxak sa', tén sa' agkeyásekxak makham ma'a apkelókxa Israel.

Ezequiel 11:20

Tén sa' etnahagkok ma'a ekhawo nak ektémakxa m'a segánamakxa ahagkok tén han ma'a séltémókxa nak chá'a etnahagkok, elanagkok sa' nahan. Énxet'ák ahagkok sa' ko'o atnehek ma'a, keñe sa' etnahagkok ko'o Dios apagkok ma'a.

Levítico 26:44

“Kólhakha sa' eykhe kéxegke m'a kélenmexma apchókxa nak neyseksa ekteme xa, makxayhek sa' eyke chá'a, maltaqnaweygkehek sa' nahan; mamasséssemek sa' nahan, alának sa' chá'a m'a ekhémo mók nélpaqhetchásamáxkoho sélánésso axta ko'o m'a kélyapmeyk nano', hakte ko'o sekteme Dios Wesse' kélagkok.

Nahúm 1:7

Tásek apwáxok ma'a Wesse' egegkok; negyepetchegweykekxexa m'a ekwa'a enxoho ekmaso negha: eltaqmelchesek chá'a m'a apteme nak melya'ásseyam.

Deuteronomio 8:16

apkeleykegkek axta nahan aqsok ekwesey axta maná m'a yókxexma meykexa nak énxet, nento melwetaya axta m'a kélyapmeyk nano' nak kéxegke, yaqwayam enxoho eweykessásenták ma'a ektémakxa nak kélásennamaxkoho kélagko' tén han elyepkeynek chá'a yaqwayam enxoho natámen kéxegke kólwetak ektaqmalma kélheykha.