Jeremías 17:16 - Biblia Enxet

¹⁶ Keñe ko'o maltémo yáphássesek ma'a aqsok ekmaso, maltémók nahan yahak apkellegeykegkoho ekmaso m'a. Apya'ásegkók xép ma'a sektáhakxa axta seyáneya, hakte nápaqtók axta ekpaqmétak.

Jeremías 17:16 交叉參考

Jeremías 12:3

Kaxnók ko'o, ey'ásegkók xép Wesse', éteyak nahan, apya'ásegkók nahan ektémakxa ewáxok ekmámenyého exchep. ¡Enaqlow sa' xa énxet'ák nak, ektémól'a m'a nepkések kélnaqleykekxal'a m'a aptekyómakxa; elyetnakhés sa' ma'a, yaqwayam nak etekyók ekhem ekwokmo sa' aptekyómakxa!

Jeremías 13:17

Sa' agkok kéxegke kólyahákxa, eyxaxkohok sa' ko'o alekxagwaha eñama kéleymáxkoho kéxegke; kalpexyewenták sa' ahaqta'ák égmen'ák, hakte apkelmákpek ma'a Wesse' egegkok apnaqtósso nepkések.

Jeremías 15:15

Wesse', xép apya'áseykegkoho nak ekyókxoho aqsok, ¡kaxénwakxoho apwáxok ko'o, hepásegwata'! ¡Heyaqmagkassásekxa ko'o mók setnéssessamakxa m'a énxet'ák setwáseykegkoho nak chá'a! Nágyoho aqsa ko'o heyaqhek xa énxet'ák nak, eñama m'a ektémakxa nak xép mepekhésamap; xeyep keñamak sélyamatcháseykencha'a chá'a.

Jeremías 18:20

¿Kólyaqmagkásekxohoya chá'a aqsok ekmaso m'a aqsok ektaqmela nak? ¡Apmetmeyk máxek yaqwayam heyátawanyek! Kaxénwakxoho apwáxok sekpaqhetchessa'akto axta exchep, séltamho epasmok xa énxet'ák nak, séltamho axta exchep elwataksek apkeltaqnawéyak ma'a.

Jeremías 20:7

Wesse', élyexancháseykha exchep, eyhayók aqsa ko'o exchep sélyexancháseykencha'a, apmeyhek axta exchep, axta axnémo'. Megkayetyapwágweykmok ko'o sésmésamaxche'; apyókxoho énxet chá'a ko'o sey'ásseyam.

Jeremías 20:9

Ektemék agkok ko'o sekpeywa s'e: “Megkaxének sa' kaxwók ewáxok Wesse' egegkok, mañeksek sa' nahan kaxwók ma'a appeywa,” keñe chá'a katnekxak ewáxok appeywa m'a ektémól'a táxa eksawhomól'a kalwatnek aqsok, kawomhok chá'a élméxenchesso m'a kañe' exchakkok. Amáwhok eykhe chá'a amagkok, mowanchek eyke.

Jeremías 9:1

¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!

Amós 5:10

¡Kéxegke laye, kéltaqnagko nak chá'a m'a énxet apmasma nak nentémakxa ekpéwomo, tén han megkaleklo nak chá'a kélwáxok ma'a apteméssesso nak chá'a naqsók appeywa!