16 Kelántaxneyk axta chá'a xama kennawo', tén han xama kelwána, cham'a ektémakxa nak chá'a aqsok nawha'ák, ekhawo apkeltamhókxa axta etnehek Dios ma'a Noé. Keñe axta Wesse' egegkok apchápeykxo átog ma'a yántakpayhe.
Kelántaxneyk axta xamók yántakpayhe Noé m'a ekyókxoho aqsok nawha'ák nak, ánet ánet axta chá'a.
Cuarenta ekhem axta wokmok ekmámeye ekyawe. Xama axta eyántágko yegmen, meyákxeyk axta néten yántakpayhe, máha axta néten yegmen.
Apkelanak axta Noé m'a ekyókxoho apkeltamhókxa axta etnehek Wesse' egegkok.
Dios nak apmassésseyam aqsok, méko kawának kaxátekhásekxak makham; Dios nak apkelma, méko kawának kalántekkesek.
Sa' kañék magaye negko'o xa, kapaqxek sa' eykhe xapop, kalweywagkok sa' eykhe egkexe m'a kañók agko' nak wátsam ekwányam,
Méko sa' chá'a katnehek ektáhakxa apweynchámeykha, metlápegwomek sa' han.
Cha'a aptaqmelchesso exchep ma'a Dios memassegwayam nak, cha'a ekpasmo m'a apmopwána megkamassegwayam nak; emenxenchesek chá'a apmonye' exchep ma'a apkelenmexma nak keñe exchep yának chá'a emasséssók.
