Génesis 48:10 - Biblia Enxet

¹⁰ Apwányamók apagko' axta aptemék Israel, massegkek axta apyekpelche exma. Massegkek axta ektaqmalma apkelyeheykha, apkelyepetchessekmók axta apketchek José m'a apyáp; apkelpetseságkek axta keñe apkelpatheta.

Génesis 48:10 交叉參考

Génesis 27:1

Apwányamók apagko' axta aptemék Isaac, meyke apaqta'ák axta han entemék. Apwóneyha axta m'a Esaú, apteme axta apketche átnaha apketkok. Aptáhak axta apcháneya s'e: —¡Hatte! —Keso ko'o s'e —axta aptáhak Esaú.

Génesis 27:27

Apyepetchegwokmók axta apyáp Jacob yaqwayam epetsesek, keñe axta Isaac aptekhana appaqneyam apkelnaqta. Tén axta aptáha appaqmeta peya elmaxnéssesek aqsok éltaqmela s'e: “Cháxa ektémakxa appaqneyam hatte xa, hawók ma'a ektémakxal'a ekpaqneyam yókxexma, ektaqmeleykegkaxa nak apwáxok elanok ma'a Wesse' egegkok,

Génesis 31:55

Keñe axta axto'ók apxatakha'a Labán, apkelpetsesagkokxeyk axta m'a aptawán'ák nak, tén han apketchek; apkelmaxnéssessek axta apkeltamho epasmok Dios, tén axta aptaqháwo makham apchókxa.

Génesis 45:15

Apkelpetseságkek axta José m'a apyókxoho apkelpepma, apwóneyk axta han chá'a apkelpatheta m'a. Keñe axta natámen appaqhetchesa m'a apkelpepma.

Génesis 48:11

Keñe axta aptáha apcháneya José s'e: —Énagkamchek axta mótekxeyk, Dios han apkeltamhók alwetak se'e apketchek nak.

Génesis 48:8

Apkelanawók axta Israel ma'a José apketchek, aptáhak axta apkelmaxneyáncha'a s'e: —¿Yaqsa eyke xa wokma'ák apketkók nak?

1 Reyes 19:20

Yetlókok axta apkexakhagwayam aqsa weyke m'a Eliseo apkenyaha neptámen Elías, keñe aptáha apcháneya: —Yoho sa' sekxók altennássekxak ma'a táta tén han méme, keñe sa' eytlók xeyep. —Etaqhekxa' —axta aptáhak apcháneya Elías—, kaxén sa' apwáxok sekteméssesakxa nak xép.

Eclesiastés 12:3

Kawak sa' ekhem yaqwayam etnehek apkelpexyennameykha m'a apkeltaqmelchesso nak wesse' apwányam apxagkok, elháxeheykha sa' ma'a énxet'ák apkelyennaqte axta, ántawók sa' kaleymaxchek ma'a kelán'ák éltekxeyéyak nak chá'a aqsok aktek, kamaskok sa' éltekxeyágko, keñe m'a élteyányeykha nak chá'a átog étkók, kasextohok sa' élyekpelchéxma.

Isaías 59:1

Megkaweywenték apmopwána m'a Wesse' egegkok, apwanchek hegwagkasek teyp. Megkatnehek nahan meyke apeyk'ák eñohok ektemegweykmohóxma.

Isaías 6:10

Elyennaqtésses sa' apkelwáxok xa énxet'ák nak; eláhakkásekxa sa' apeyk'ák, yaqwayam sa' mellegye', eláhakkásekxa sa' apaqta'ák, yaqwayam sa' melwetyehe' tén han melyekpelchágwome', yaqwayam sa' metnekxék ko'o mehey'ásseyam, keñe sa' mamasséssesek ma'a ektamheykegkaxa nak.”

Deuteronomio 34:7

Ciento veinte apyeyam apagkok axta weykmok apketsapma, axta kalmasók ma'a apaqta'ák, kayhek axta nahan apyempehek.

1 Samuel 3:2

Xama ekhem axta, aptenakxa kañe' apxagkok ma'a Elí, eyeynmo axta ekmáheyo katnehek meyke apaqta'ák, asexteyk axta ékpelkohok elyeheykha.

1 Samuel 4:15

noventa y ocho apyeyam apagkok axta eyke temék ma'a Elí, meyke apaqta'ák axta temék.