Génesis 47:23 - Biblia Enxet

²³ Keñe axta José aptáha apkeláneya énxet'ák se'e: —Faraón kaxwók apagkok kéxegke, tén han ma'a xapop kélagkok nak, hakte élmomchek ko'o kéxegke ekha ekyánmaga yaqwayam almések ma'a. Keso aqsok aktek se'e yaqwayam kólchenekxa',

Génesis 47:23 交叉參考

Génesis 41:27

Siete apyeyam han ekteme m'a siete weyke élyamhagko tén han ma'a élmaso nak; ekhawo han ma'a siete hótáhap apyexna élyamaye nak, élwatno nak éxchahayam ekmexanma, cháxa ekteme yaqwayam katnehek siete apyeyam meyk segaqhe xa.

Génesis 45:6

Apqánet apyeyam kaxwók entáhak ekwe meyk segaqhe s'e apchókxa nak, cinco apyeyam makham kéméxcheyk yaqwayam megkanakxaxcheyk aqsok ekyexna kélcheneykekxa, kólchenekxak sa' eykhe aqsok.

Génesis 47:22

Wánxa axta aqsa melmoma José m'a xapop apagkok axta m'a apkelmaxnéssesso aqsok kéláyókxa, hakte faraón axta apkelmeyáseyak chá'a hótáhap apaktek ma'a; axta keñamak mekxeykekxo chá'a ekha ekyánmaga m'a xapop apagkok, hakte apteykegkek axta chá'a m'a apkelmeyáseyak axta chá'a faraón.

Génesis 47:24

faraón sa' eyke kólmeyásekxak chá'a xama m'a ektáhakxa nak chá'a cinco ekwayam aqsok kélnakxo; keñe sa' ma'a cuatro éleymomáxche nak yaqwayam kólchenekxak chá'a, tén han kóltawagkok chá'a kéxegke yetlo kélketchek, tén han ma'a apyókxoho apheykha nak xamo' kéxegke.

Salmos 112:5

Tásek sa' chá'a katnehek apha m'a énxet apmássáseykha nak chá'a aqsok apagkok pók yetlo memyágweykekxa', tén han aptaqmelchessamo nak chá'a apxegkesso m'a aqsok apkexeykekxa';

Salmos 41:1

Apkeleñémo énxet appasmo nak chá'a m'a meyke nak aqsok apagkok; Wesse' egegkok sa' emallahanchesek ma'a ekwa'a sa' ekhem ekmaso.

Proverbios 11:26

Kólyemnaha chá'a m'a énxet apmasma nak chá'a hótáhap apaktek; keñe m'a apkexeykekxa nak chá'a, tásek chá'a katnehek apxénamap.

Proverbios 12:11

Xámok katnehek apto m'a énxet apkelchekhamo nak; keñe m'a énxet meyke nak ekxeyenma apwáxok, wánxa aqsa elának ma'a aqsok megkamowána nak kapasmok.

Proverbios 13:23

Xámo' katnehek nento namyep apagkok ma'a énxet meyke nak aqsok apagkok, kamassegwomhok chá'a nento m'a meykexa nak ekpéwomo nentémakxa.

Eclesiastés 11:6

Eknekxa chá'a aqsok aktek axto'o, tén han taxnám, hakte mey'asagkehek yaqsa kexaha kataqmelek élánteyapma, amonye' apkeneykekxa essenhan ma'a axayo nak apkeneykekxa, essenhan tásek katnehek élánteyapma xa ánet nak.

Isaías 55:10

“Cham'a ektémakxal'a ekmámeye kaweywenták eñama m'a néten tén han yeyám appok megkaltaqhók makham ma'a éleñamakxa nak, kayássesek aqsa m'a xapop, kataqmelchesek nahan, kaltektekkesek nahan ma'a aqsok, katekkesek nahan aqsok aktek yaqwayam kólchenekxa', tén han ma'a nento yaqwayam antók,