9 axta keñamak apye'eykekxo m'a Ismael, Abraham axta apketche, apmomchek axta m'a apketche kelwána ekwesey axta Mahalat, apyáxeg axta m'a Nebaiot, yetneyk axta eyke han mók apnaqteyegka'a kelán'ák Canaán.
Apmomchek axta Esaú m'a Judit, ekweykmo axta cuarenta apyeyam apagkok, apketche axta m'a Beerí, apteme axta hitita. Apmomchek axta han ma'a Basemat, apketche axta m'a pók hitita apwesey axta Elón.
Keso Reuel apketchek axta s'e: Náhat, Zérah, Samá, tén han Mizá; cháxa atawán'ák natámen axta m'a Basemat, mók aptáwa' axta han ma'a Esaú.
Keñe axta Oholibamá étchek, Aná axta apketche, aptáwa' axta m'a Esaú, keso apkelámha apmonye'e axta s'e: Jeús, Jaalam, tén han Coré.
Apkelmomchek axta Esaú kelán'ák Canaán: cham'a Adá, Elón axta apketche, apteme axta hitita; tén han ma'a Oholibamá, Aná axta apketche, Sibón axta aptáwen, apteme axta heveo;
tén axta han ma'a Basemat, Ismael axta apketche, Nebaiot axta apyáxeg.
