Génesis 23:13 - Biblia Enxet

¹³ Aptáhak axta apchátegmowágko Efrón nápaqta'awók apyókxoho énxet'ák se'e: —¡Efrom, heyeyxho sekxo'! Éltamhók ko'o exchep emok se'e selyaqye ekyánmaga xapop, keñe sa' wátawanyek ko'o etáwa'.

Génesis 23:13 交叉參考

Génesis 23:12

Apweykásenteyk axta eyke makham apqátek Abraham, nápaqta'awók énxet'ák apheykha axta m'a yókxexma nak.

Génesis 23:14

Apchátegmowágkek axta Efrón:

Génesis 33:19

Cien sawók selyaqye axta apyánmagkassók apmoma xapop, apagkok axta m'a Hamor apketchek, Siquem axta apyáp, cha'a appakxanmakxa axta han ma'a.

2 Samuel 24:24

Apchátegmowágkek axta wesse' apwányam: —Payhékxók ewáxok, émenyeyk eyke ko'o amok ekyókxoho ayánmagkasek ma'a ekwánxa enxoho ekyánmaga, hakte magkések sa' ko'o Dios Wesse' ahagkok aqsok élwatnamáxche', mayánmagkasso nak. Apmeyk axta David xa yókxexma nak tén han weyke kelennay'awo, cincuenta sawók selyaqye élmope axta han ekyánmaga,