Génesis 10:11 - Biblia Enxet

¹¹ Cháxa yókxexma apkeñamakxa axta han apmaheykegko m'a Asur, apkelánegweykmo axta han ma'a tegma apkelyawe nak Nínive, Rehobot-ir, Quélah,

Génesis 10:11 交叉參考

Génesis 10:12

tén han ma'a tegma apwányam nak Resen, apyetnama nak neyseksa halep Nínive tén han teyp Quélah.

2 Reyes 19:36

Tén axta Senaquerib, wesse' apwányam nak Asiria, apleya appakxanma; aptaqháwók axta makham ma'a Nínive.

Esdras 4:2

apkelya'aweykxeyk axta m'a Zorobabel, tén han Josué, tén han apkelámha apmonye'e axta chá'a apnámakkok, aptáhak axta apkeláneya s'e: —Hégho negko'óxa kéxegke ampasmok kélxátekháseykekxa tegma appagkanamap, hakte neghawók negko'o kéxegke, nélpeykessamók negko'óxa m'a Dios kélagkok nak, agméshok chá'a negko'óxa aqsok nélnapma, eyeynamo m'a aphamakxa axta Esarhadón, wesse' apwányam axta Asiria, sennaqleykekmo axta s'e yaqwayam aghakha.

Salmos 83:8

wokmók nahan apkelyepetcheykekxa m'a asirios, apkelxegexma'a apkelyennaqte nak ma'a Lot aptawán'ák neptámen.

Isaías 37:37

Tén axta Senaquerib, wesse' apwányam nak Asiria apleya appakxanma; aptaqháwók axta makham ma'a Nínive.

Ezequiel 27:23

Axta nahan elyánmagkasakpok chá'a exchep ma'a énxet'ák apheykha nak Harán, Cané, Edén, tén han ma'a énxet'ák ekha axta nahan aqsok apkexeykekxa m'a yókxexma Sabá, tén han ma'a Asiria tén han ma'a ekyókxoho nak kañe' Media;

Ezequiel 32:22

“Cháxa Asiria xa, yetlo m'a apyókxoho sẽlpextétamo agkok, apwakhayak ma'a takhaxpop agkok nak. Apyókxoho axta apkeletsapmak neyseksa kempakhakma xa.

Oseas 14:3

Mopwanchek negko'o hẽlwagkasek teyp ma'a Asiria, mogwanchek nahan ólxeganmok ólchántek yátnáxeg. Kamaskok sa' kaxwók óltéhek negko'o ‘Dios egagkok’ ma'a aqsok nenlánéyak egagko' nak, hakte xép apwánxa apagkok kóteyágwók ekmayósa kóllanok ma'a élyeheykha nak, xép Wesse'.”

Jonás 1:2

“Emhók sa' tegma apwányam Nínive, eltennés sa' peya ko'o amasséssók ma'a, hakte wa'ak ko'o amya'a sekhakxa ektémakxa melya'assáxma.”

Miqueas 5:6

Sa' etnahagkok kelwesse'e apkelwányam Asiria m'a, cham'a apchókxa Nimrod, yetlo apmeykha sókwenaqte, hẽlmallahanchesek sa' nepyeseksa asirios apkelántaxna enxoho negókxa, appayhékxo enxoho m'a kañe' xapop egagkok.

Nahúm 1:1

Keso weykcha'áhak apxawe axta eñama kélxekmósso m'a Nahúm apkeñama axta Elcós. Cháxa amya'a ekxeyenma nak ma'a tegma apwányam Nínive.

Nahúm 2:8

Máxa ámay ekyétekkessól'a yegmen aptáhak apkenyahágko m'a énxet'ák apheykha nak Nínive. “¡Kólchaqnágwom! ¡Kóltaqhegwom!” entáhak eykhe amya'a apkeláneyákpo, méko eyke ektaqhegwokmo.

Nahúm 3:7

Yenyahagkok sa' naqtók xeye' apyókxoho ektáha nak apwete, sa' etnehek apkelpeywa s'e: ‘¡Kélmasséssekmek Nínive! ¿Yaqsa sa' kayósho kalano'? ¿Háxko sa' kóteyágwok yaqwayam kapeykessásekxak awáxok?’

Sofonías 2:13

Ey'aksek sa' apmopwána m'a ekpayho nak nexcheyha yaqwayam emasséssók ma'a Asiria, meyke xama aqsok sa' etnessásekxak ma'a tegma apwányam Nínive, ekyamaye exma sa' etnessásekxa'.

Números 24:24

Kalxegmak sa' yántakpayhe éleñama Chipre yetlo kempakhakma yapmeyk, yetsagkasek sa' ma'a Asiria, tén han ma'a Éber, hakte kólmasséssók sa' nahan ma'a Éber.”