Éxodo 9:32 - Biblia Enxet

³² Keñe axta m'a hótáhap apagko' nak tén han ma'a centeno, méko axta ektáhakxa, hakte yehémek chá'a eltektépok ma'a.

Éxodo 9:32 交叉參考

2 Samuel 21:9

keñe apkelmésa m'a énxet'ák Gabaón, apkelchexnágkek axta m'a néten nak egkexe, nápaqtók ma'a Wesse' egegkok. Cháxa ektáhakxa axta apkeletsapa apyókxoho xa siete nak, eyeynókxa axta émha amonye' ekhem apnakxamap ma'a apho hótáhap.

Éxodo 10:12

Aptáhak axta Wesse' egegkok apcháneya Moisés se'e: —Ey'és sa' apmek ekpayho nak ma'a Egipto, yaqwayam sa' elxegmak sawa' elántaxnegwak ma'a, tén han esawhegwak ma'a ekyókxoho aqsok kélcheneykekxa m'a apchókxa nak, tén han ma'a ekyókxoho éleymomáxche axta natámen ektéyam ma'a yegmen élyennaqte.

Éxodo 10:22

Apya'ássek axta apmek néten ma'a Moisés, yetlókok axta nahan ekwetamaxche ekyáqtessóxma ekyentaxno agko' ma'a ekyókxoho kañe' Egipto.

Éxodo 10:5

Esawhekxohok sa' ma'a ekyókxoho kañe' xapop apagkok, magwetyehek sa' anlanok ma'a náxop nak hakte apxámok sa' etnehek. Etawagkok sa' ma'a aqsok éleymomáxche axta ántawo', éláyam axta m'a yegmen élyennaqte. Etawagkok sa' nahan ma'a ekyókxoho yenta'a élyawe élaqnágko nak ma'a yókxexma.

Éxodo 9:31

Sawhéxkók nahan életsapa m'a kélcheneykekxa nak lino yámet, tén han ma'a apho nak hótáhap. Kaxwók axta eykhe apyexnak ma'a apho nak hótáhap, kaxwók axta eykhe nahan kelyapwa'ak ma'a lino yámet.

Éxodo 9:33

Xama axta aptepa Moisés ma'a tegma apwányam natámen axta apye'eykekxa m'a faraón, apkelya'ássek axta néten apmék appaqhetchesa Wesse' egegkok. Yetlókok axta anhan ekmasse m'a yegmen élyennaqte, tén han ma'a ekmámeye nak, massék axta nahan apha m'a takha'.

Isaías 28:25

¿Naqsóya apkeneykekxoho chá'a aqsok aktek ekwesey nak eneldo essenhan comino appenchesa enxoho chá'a appeykáseykekxa m'a xóp? ¿Eknekxohoya nahan chá'a hótáhap ma'a kélyapwáteséyak élpéwomo nak? ¿Eknekxohoya nahan chá'a apho nak hótáhap tén han ekwesey nak centeno m'a nekhaw'ék nak?

Ezequiel 4:9

“Elma sa' kaxwók apqántawók hótáhap apaktek, tén han ma'a apho nak hótáhap, tén han ma'a aqsok aktek kéleykegkohol'a kélnaqtósso, tén sa' nahan ma'a ayóye aktek tén han ma'a yágkeleyke; yenchehekxa sa' mók exatmok xama apxata xa, elána sa' apto. Cháxa yaqwayam sa' etwok ekweykmoho trescientos noventa ekhem neyseksa apyetnakháméyak apyetno nepsagqalwa xa.