Éxodo 17:6 - Biblia Enxet

⁶ Axek sa' eyke ko'o aleyxek ma'a néten egkexe Horeb. Aptekpogkek sa' agkok ma'a meteymog, katyapok sa' yegmen eñama m'a kañe' nak, yaqwayam enxoho énagkok ma'a énxet'ák. Aptemék axta nahan Moisés xa ektáha nak, nápaqta'awók ma'a apkelámha apmonye'e Israel.

Éxodo 17:6 交叉參考

Nehemías 9:15

Apkelméssegkek axta han aptéyak éleñama néten, yaqwayam enxoho emasséssesek élnapma meyk, tén han aptekkessessama yegmen ma'a meteymog, yaqwayam kamasseksek hem élnapma. Tén axta apkeltémo elántexek elhók ma'a apchókxa apkeltennassamakxa axta.

Salmos 105:41

Appáxqatmeyk axta meteymog, keñe axta ekteyapma yegmen, máxa wátsam axta temék ényahama m'a yókxexma meykexa nak énxet.

Salmos 114:8

¡Aptemessáseykekxeyk axta ságe m'a meteymog élyawe élámha! ¡Aptemessáseykekxeyk axta ekteyapmakxa yegmen ma'a meteymog nak!

Salmos 46:4

Yetneyk xama wátsam ekpeykessáseykekxo nak apwáxok Dios tegma apwányam apagkok, tegma apkelyawe apkelpagkanamap apagko', apagkok nak ma'a Dios Meyke Ekhémo.

Salmos 74:15

Aptekkessegkek axta exchep ma'a élánteyapmakxa nak yegmen, tén han wátsam, apyamassegkek axta m'a yegmen wátsam megkeymáyeykxa nak.

Salmos 78:18

Apmáheyók axta épkeynek Dios apkelmaxneyeykencha'a aqsa chá'a m'a aptéyak.

Salmos 78:20

Naqsók axta appáxqatma Dios neyseksa meteymog, keñe han ekteyapma yegmen ma'a, ektémól'a wátsam, tén han ekpayheykekxo yegmen ma'a xapop; ¿apwancheya han hegmések nento m'a? ¿apwancheya han egkések ápetek ma'a énxet'ák apagkok?”

Salmos 81:7

Ewóneykha axta exchep ekyentaxnama ektémakxa apha, keñe axta sekwagkassama teyp; eyátegmoweykegkek axta m'a sekhamakxa nak kañe' yaphope; élyepkónmeyk axta ko'o kéxegke, cham'a nekha nak yegmen Meribá.

Éxodo 14:16

Ey'és sa' xép néten aptasqapeykha, tén sa' elya'aksek nahan néten apmék elyetnakhaksek ánet nekhaw'ék emeykásekxak neyseksa m'a wátsam ekwányam, yaqwayam sa' elyeykhekxak yetlo ekyamáyóxma m'a israelitas.

Éxodo 16:10

Neyseksók apkelpaqhetchesso axta Aarón ma'a israelitas, apyókxoho axta apkelenmexawok ma'a ekpayhókxa axta m'a yókxexma meykexa énxet, apkelwet'ak axta nahan Wesse' egegkok élseyéxma apagkok ekxekmowásexkoho m'a neyseksa xama yaphope.

Isaías 48:21

Apkelya'assegkek axta eykhe m'a yókxexma meykexa nak énxet, axta eyke kalnapmak ekhem; appáxqatmeyk axta meteymog aptekkessama ekyawe agko' ma'a yegmen.

Números 20:8

—Emekxa yámet aptasqapeykha, yánchásekxa sa' énxet'ák, apepma Aarón sa' eyke ewhánho', keñe sa' yának katyapok yegmen ma'a meteymog, nápaqta'awók ma'a apyókxoho énxet'ák, étak sa' xép katyapok yegmen m'a meteymog nak, yaqwayam énagkok, tén han ma'a apnaqtósso nak.

Deuteronomio 1:2

Once ekhem axta kammok nenxega náxop agwomok ma'a Cadés-barnea, néñama m'a egkexe Horeb agyetlók ma'a ámay ekmahéyak axta m'a egkexe Seír.

Deuteronomio 8:15

apnaqleykencha'a axta m'a ekyawakxa nak yókxexma meykexa énxet tén han eyesagkexa nak, ekxámokmakxa nak ma'a yéwa ekmáske nak hentakxek tén han ma'a yettáha, tén han ma'a meykexa agko' nak ma'a yegmen. Aptekkessegkek axta eyke yegmen xama meteymog ekyennaqte agko' ma'a tén axta apméssama yaqwayam kólyenagkok,