Esdras 3:6 - Biblia Enxet

⁶ Amonye' ekxega ekhem pelten siete axta apcheynawo apkelwatnésso kélnaqtósso m'a Wesse' egegkok, cham'a megkeynókxa axta makham apkelánamap Wesse' egegkok tegma appagkanamap apagkok.

Esdras 3:6 交叉參考

Esdras 3:5

Apkelánegkek axta han ma'a kélnaqtósso élwatnamáxche nak chá'a yókxoho ekhem, tén han ma'a pelten aphaxnagkok nak, ekxegexma nak chá'a m'a kélessawássessamo ekpagkanamaxche apagkok nak Wesse' egegkok, tén han ma'a énxet apmáheyo apagko' nak chá'a egkések ma'a Wesse' egegkok.

Esdras 3:7

Apkelméságkek axta énxet'ák Tiro tén han Sidón selyaqye m'a apkeláneyak nak tegma, tén han ma'a apkeltamheykha nak yántéseksek, tén han aptéyak, apyenéyak, yaqwayam enxoho elsakxak elyeykhásekxak wátsam ekwányam ma'a yántéseksek cedro éleñama m'a Líbano ekweykekxoho m'a Jope, ekhawo apméssama axta apkeltémókxa etnahagkok ma'a Ciro, wesse' apwányam axta m'a Persia.

Levítico 23:24

“Etne sa' elának israelitas se'e: Kóllának sa' kéxegke kéllókasso kélyampe tén han kélpeykessamókxa Wesse' egegkok, émha amonye' ekhem, pelten siete, ekxeyenweykekxoho kélwáxok yetlo kélpáwasso kélaqkahasso.

Levítico 23:25

Kólwatnések sa' aqsok kélmésso naqsa m'a Wesse' egegkok, megkóllanyek sa' han kéltamheykha ekyentaxno xama enxoho.”

Números 29:1

“Kóllának sa' kéxegke kélaqneykekxa kélpeykessamókxa nak Wesse' egegkok eyeynókxa nak ekxega émha amonye' ekhem pelten siete. Megkóllanyek sa' kéltamheykha xama enxoho xa ekhem nak, kólpáwaksek sa' kélaqkahasso.

Números 29:2

Kólmések sa' xama weyke étkok kennawo' tén han xama nepkések apkennawo' tén han siete nepkések apketkók xama apyeyam apagkok, meyke nak ektemegweykmohóxma apyempehek, yaqwayam kólwatnek kólteméssesek ekmátsa nak ekpaqneyam etekhánek ma'a Wesse' egegkok.