Eclesiastés 8:3 - Biblia Enxet

³ Ná etyep ekmanyehe agko' ma'a aphakxa nak. Ná ewhánekxoho aqsa m'a aqsok ekmaso ekmáheyo nak kalanaxche', hakte elának chá'a aqsok wesse' apwányam ma'a apmakókxa enxoho chá'a elána'.

Eclesiastés 8:3 交叉參考

Génesis 47:9

Aptáhak axta apchátegmowágko Jacob se'e: —Ciento treinta apyeyam ahagkok ko'o entáhak sekweynchámeykegkaxa'. Apqántawók apyeyam ahagkok sekweynchámeykha, yókxoho apyeyam sekwete ekmaso sekha, mathanyeykekxak ma'a ekweykenxa axta apheykha élyapmeyk nano'.

Proverbios 14:29

Énxet mepekhésso nak chá'a elwok, cháxa magkenatchesso ekyetna ekyawe apyekpelchémo aqsok; énxet appekhésamap nak, cháxa magkenatchesso apteme ekyeyháxma.

Proverbios 24:21

Hatte, etne apcháyo Dios, tén han wesse' apwányam; ná epáxaqwom chá'a m'a apkelenmexeykha nak chá'a,

Proverbios 30:31

tat'a kennawo' eyásennómaxche nak chá'a, yát'ay apketkok tén han wesse' apwányam apxega nak apmonye' m'a sẽlpextétamo apagkok.

Eclesiastés 10:4

Aptaqnókek agkok xép ma'a aptaqmelchesso nak apchókxa, nágkapekhe apwáxok; mampekhésamaxche' awanchek kamasseksek ma'a aqsok ekyawe nak magaqhémo.

Isaías 48:4

Ekya'ásegkók axta ko'o exchep apteme ekyennaqte apwáxok, tén han aphémo apyennaqte m'a sawo, tén han ekhémo ekyennaqte nápat ma'a sawo' ekyexwase,

Daniel 4:35

Mékoho apancha'awók nápaqtók ma'a apyókxoho énxet'ák nak keso náxop. Elának chá'a apmakókxa enxoho chá'a elána', cham'a aqsok ekhéyak nak néten tén han keso náxop. Méko awanchek kanmexekxak apmopwána, tén han katnehek kának se'e: ¿Yaqsa ektáha aptáha nak xa ektáha nak?”

Daniel 5:19

Elyahakxohok axta chá'a apyókxoho énxet'ák, tén han ma'a énxet'ák mók ektémakxa nak chá'a apkelpaqmeyesma, elpexyennók axta chá'a apmonye', eñama m'a ektémakxa axta apmésso ekha apmopwána m'a Dios. Elnápok axta chá'a m'a apmakókxa enxoho chá'a elnápok, melnápek axta chá'a memakókxa enxoho chá'a elnápok, ekha kéláyo axta han chá'a etnéssesek ma'a apmakókxa enxoho chá'a etnéssesek, mékoho axta han chá'a etnéssesek ma'a apmakókxa enxoho chá'a etnéssesek.