Daniel 12:2 - Biblia Enxet

² Apxámok sa' enaqxétekhágwók ma'a apkeletsapma kélátawanye axta takhaxpop: yetneyk sa' chá'a yaqwayam eweynchamha meyke néxa, yetneyk sa' han chá'a yaqwayam emegqágwakxak meyke néxa megyásekhamap.

Daniel 12:2 交叉參考

Proverbios 12:8

Tásek chá'a katnehek apxénamap énxet eñama apmopwána aqsok, keñe m'a énxet ekyeyháxma nak, kólwanyaha aqsa chá'a.

Isaías 26:19

Eyke m'a énxet'ák apagkok apkeletsapma nak enaqxétekhágwók sa', kanaqxétekhagkokxak sa' ma'a aphopák nak. Enaqxétekhagkok sa' ma'a apkeletsapma nak keso náxop, elwehesha sa' kalpayhekxak apkelwáxok. Hakte apcháphassegkek xép élseyéxma apagkok ekho yálye, keñe sa' ma'a apkeletsapma axta elántépekxak makham keso náxop.

Isaías 66:24

“Elchexyók sa', elwetágwaták sa' énxet aphopák ektáha axta ko'o sénmexeykekxa. Meletsepek sa' ma'a yápa apketkók ektáha nak apto, megkaspónhek sa' nahan ma'a táxa ektáha nak élwatno. ¡Yetsek sa' elanok ma'a apyókxoho énxet'ák!”

Jeremías 20:11

Wesse', sekxegexma eyke ko'o exchep, máxa m'a kempakhakma yáp apyennaqte meykel'a ekhémo; elpelapmok sa' ma'a énxet'ák sénmexeykha nak chá'a ko'o, mehexók sa', megkatyepek sa' apmakókxa etnahagkok, elmegqágwakxak sa', megkatnégwomek sa' néxa apkelxénamap ekmaso apkeltémakxa.

Ezequiel 37:12

Elpaqhetches sa' yetlo apxeyenma sekwesey sektáhakxa ko'o sekxeyenma m'a, etne sa' elának se'e: ‘Keso aptáhakxa exchek appeywa Wesse' egegkok se'e: Énxet'ák ahagkok, almeykessekxak sa' ko'o atña'ák ma'a takhaxpop kélagkok nak kéxegke; alántekkesek sa' ma'a kañe nak, tén sa' wának kólmeyekxak makham ma'a xapop Israel.

Oseas 13:14

¿Amallahancheseya ko'o peya enxoho emhagkok ma'a kélya'assamakxa nak chá'a énxet apkeletsapma? ¿Awagkaseya ko'o teyp peya enxoho yetsapok? Nétsapma, ¿háxko ekmahágkaxa m'a ekmowána nak hegaqhek? Takhaxpop, ¿háxko ekmahágkaxa m'a senlagassáseykegkoho nak? ¡Megkalapyóshek sa' ko'o kaxwók alanok xa énxet'ák nak!”