Daniel 12:11 - Biblia Enxet

¹¹ Mil doscientos noventa ekhem sa' kayeykhak eyeynamo m'a sekxók axta kélmasséssekmo m'a élánamáxche nak chá'a aqsok ektekyawa yókxoho ekhem, tén han kélpekkenwayam aqsok ekmaso agko' ma'a Wesse' egegkok tegma appagkanamap apagkok.

Daniel 12:11 交叉參考

Éxodo 29:38

“Kéméxcheyk chá'a kólnápok kólnegkenek néten ekwatnamáxchexa aqsok yókxoho ekhem ma'a apqánet nepkések apketkók, apwayam nak chá'a xama apyeyam apagkok.

Ezequiel 4:6

Wokmek sa' agkok néxa xa ekwánxa nak ekhem, epeynchekpok sa' apyetno, yehekxak sa' kaxwók kóneg ma'a apkelya'assamakxa nak, tén sa' yáhakkasakpok apkeltémakxa melya'assáxma m'a énxet'ák Judá, ekweykmoho cuarenta ekhem. Xama ekhem xama apyeyam chá'a apkelánéyak melya'assáxma.

Daniel 1:12

—Hegyepkón hana hẽlagkok negko'o ekweykmoho diez ekhem wánxa m'a pánaqte nento áwa' nak, tén han yegmen aqsa, negko'o nentáha nak xép apkeláneykha.

Daniel 11:31

“Etwasha sa' sẽlpextétamo apagkok ma'a tegma apyennaqte nak, emágwók sa' élánamáxche nak chá'a aqsok ektekyawa yókxoho ekhem, enegkenwók sa' aqsok élmasagcha'a agko' ma'a.

Daniel 7:25

Kanmexmakha sa' appeywa m'a Dios meyke nak ekhémo enaqtawássesagkohok sa' ma'a énxet'ák apagkok; emáwhok sa' eyaqmagkasek mók ma'a Dios segánamakxa apagkok, tén han ma'a kélessawássessamókxa nak chá'a ekhem apagkok, elmok sa' ma'a Dios énxet'ák apagkok ekweykmoho apqántánxo apyeyam nepxet pók.

Daniel 8:26

“Keñe m'a kélxekmósso exchek ektémakxa chá'a élánamáxche aqsok ektekyawa taxnám tén han axto'o, naqsók ma'a; eyke ná exén nápaqta'awók énxet'ák, hakte katnehek sa' ma'a ekwegqa agko' sa' ekhem.’

Daniel 9:27

Elának sa' ekhémo mók apkelpaqhetchásamákpoho apxámokma énxet ekweykmoho makham xama semána, emasséssók sa' eyke aqsok ektekyawa náxet semána, tén han ma'a kélmésso naqsa nak chá'a aqsok. Kalanaxchek sa' aqsok ekmaso agko' ma'a ekpayhókxa nak ekyetnamakxa m'a ekwatnamáxchexa aqsok ektekyawa, ekwokmoho eyápekxo kélmassésseyam ekxénamaxko nak katnehek ma'a ektáha nak apkelane xa aqsok ekmaso agko' nak.’”

Oseas 3:4

Ahóxek sa' katnehek meyke wesse' apwányam apagkok ma'a israelitas, tén han meyke apkemha apmonye' apagkok, keñe han meyke apkelnapma chá'a aqsok apnaqtósso, tén han meteymog élpagkanamaxche', tén han meyke apkelnaqta apkelmeykegko nak chá'a apkelmaxnéssesso Dios énxet'ák apagkok, tén han kéleykmássesso étkók ma'a apxanák nak.