Cantares 6:1 - Biblia Enxet

¹ Kelán'a ektaqmalma nak neyseksa kelán'ák éltaqmalma ¿Háxko exchek apmahágkaxa ekpagkanma? ¿Háxko exchek appéwókxa apxega? ¡Agyetlók sa' negko'o exche' agketmok!

Cantares 6:1 交叉參考

Cantares 1:4

¡Héntemekxa heykxe kaxwo'! ¡Wesse' apwányam, héntemekxa kañe' apxagkok! Kalpayhekxak sa' egwáxok yetlo exchep; kalxénwakxohok sa' egwáxok ekyeykhágweykmoho ektémakxa vino m'a ektémakxa nak chá'a seyásekhayo. ¡Neyke temék ekmámenyého nak chá'a m'a kelán'ák!

Cantares 1:8

Kelán'a ektaqmalma nak neyseksa m'a kelán'ák éltaqmalma, sa' agkok kay'ásegkok xeye', kalyetlow sa' aptamnek ma'a nepkések, kalágwom sa' pa'at yát'ay apketkók eknaqtósso m'a ekpayho nak apkelpakxeneykegkaxa m'a apkeláneykha nepkések.

Cantares 2:2

Máxa pánaqte exnók émhal'a neyseksa am'ák temék neyseksa kelán'ák ma'a sekpagkanma nak.

Cantares 5:9

Kelán'a ektaqmalma nak neyseksa m'a ekyókxoho kelán'ák éltaqmalma, ¿Háxko apteme exche' ekpagkanma nepyeseksa m'a pók wokma'ák nak? ¿Háxko apteme exche' ekpagkanma éltamho nak óltennaksek xa ektáhakxa nak ekpeywa?

Cantares 6:4

Tásók agkók xeye' sekpagkanma, máxa m'a tegma apkelyawe nak Tirsá kalkohok egwáxok anlano', máxa m'a tegma apwányam Jerusalén; katyamok egwáxok agweta', máxa m'a sẽlpextétamo apkelxegál'a.

Isaías 2:5

¡Nók, Jacob énxet'ák apagkok, ólxog éltátchesakxa nak Wesse' egegkok élseyéxma apagkok!

Jeremías 14:8

Xép, apkelhaxanma nak chá'a énxet'ák Israel, sẽlwagkasso nak chá'a teyp ekwa'a enxoho ekhem ekmaso negheykha, ¿yaqsa ektéma aptéma máxa apkeñama mók nekha s'e negyeseksa nak negko'o, aptémól'a m'a énxet apxegál'a, aphayam la'a sekxók yaqwayam etyenek axta'a?

Rut 2:12

¡Dios sa' egkések ekyánmaga aqsok élane! ¡Sa' egkések ekyánmaga ekyókxoho aqsok élane m'a Israel Dios Wesse' apagkok nak, cham'a ekya'aweykxo axta ektegyeyncha'a ekpasmo!