Cantares 5:16 - Biblia Enxet

¹⁶ yetnegkek nahan aqsok ekmátsa agko' ma'a apátog nak. ¡Énxet ekleklamo egwáxok anlanok ma'a! Cháxa aptémakxa ko'o sekpagkanma xa, cháxa aptemék ko'o seyásekhayo nak xa, kelán'ák Jerusalén.

Cantares 5:16 交叉參考

Salmos 45:2

¡Xép apteme aptaqmalma apagko' nepyeseksa m'a énxet'ák! ¡Tásek chá'a katnehek appeywa! Cháxa keñamak apteméssessama nak apkeleñémo Dios megkatnégwayam néxa.

Cantares 7:9

keñe sa' átog, kaxhok ma'a ektémól'a vino ektaqmalma élpexyaweykental'a chá'a ekmátsa m'a átog nak tén han ma'a am'ák nak.

Oseas 3:1

Aptáhak axta makham seyáneya Wesse' egegkok se'e: “Exeg makham, yásekhekxoho makham ma'a kelán'a élane nak ma'a pók, cham'a ektawáseykegkoho nak atáwa' élánegwayam pók énxet. Cháxa aptémakxa Wesse' egegkok apkelásekhayo m'a israelitas, elyo'ókxohok eykhe chá'a m'a mók aqsok apkeláyókxa nak, etawagkok han chá'a m'a anmen yámet ekyexna kélyamasso kélyaqyeyáseykekxa kélmésso nak chá'a.”

Jeremías 15:16

Epaqhetchessek axta agkok chá'a exchep, ataqmelcheshok axta chá'a ko'o sekháxenmo; hakte cha'a ekteme ko'o sepeykessáseykekxa chá'a ewáxok ma'a, tén han segkésso ekmátsa ewáxok, hakte ko'o apagkok xép Wesse' Dios ekha nak apyennaqte.

Jeremías 3:20

Kéltemék kéxegke sélyenseykmo sélyetleykha m'a, ektémól'a kelán'a ektawáseykegkoho atáwa' élánegwayam la'a chá'a pók énxet megkatnahakxa atáwa'. Ko'o sekxeyenma xa, sektáha nak Wesse'.

Cantares 6:3

Ko'o appagkanma m'a, keñe ko'o sekpagkanma m'a. Elagkok chá'a pa'at apnaqtósso m'a neyseksa nak pánaqte exnók éltaqmalma.

Cantares 2:16

Ahagkok ko'o m'a sekpagkanma nak, keñe apagkok ko'o m'a. Elagkok chá'a pa'at apnaqtósso m'a neyseksa nak pánaqte exnók éltaqmalma.

Cantares 2:3

Máxa yámet manzano émhal'a neyseksa yenta'a élyawe naxma aptemék nepyeseksa apnámakkok wokma'ák ma'a sekpagkanma nak. ¡Atsek chá'a axek ma'a kóneg pessesse agkok nak! ¡Atsek chá'a atwok ma'a ekyexna nak!

Cantares 2:1

Ko'o sekteme pánaqte exnók émha nak ekpayhegweykenxa xapop yókxexma Sarón. Ko'o sekteme pánaqte exnók ektaqmalma élámha nak ma'a yókxexma ekyapwátegweykenxa nak xapop.

Cantares 1:16

¡Aptásók apagko' nak la'a exchep, sekpagkanma, aptásók apagko'! ¡Pa'at ekpayhe ektaqmalma áwa' sa' katnehek ma'a negyetnamakxa néten!

Cantares 1:2

¡Hepetses hana sekxo'! Yeykhágweykmók agko' ekmátsa vino m'a ektémakxa nak chá'a seyásekhayo.

Salmos 148:13

¡Kólpeykesho kélyókxoho Wesse' egegkok apwesey, hakte wánxa ekteme meyke ekhémo apwesey m'a! ¡Hakte cha'a apteme ekyeykhágweykmoho apcheymákpoho néten ma'a, tén han keso náxop!

Salmos 119:103

Atsók agko' ma'a appeywa nak, yeykhásseykmok ektémakxal'a atwok yányawhéna' apyegmenek.

Salmos 89:6

Wesse', méko xama enxoho aqsok kéláyókxa negmowána aghéshok xép, méko han xama aqsok enxoho ekhawo exchep ma'a ekhéyak nak néten!

Salmos 19:10

¡kélmenyeyk agko' han, yeykhágweykmók ma'a ektémakxa nak kélmámenyého sawo ekyátekto ekmomnáwa ektaqmalma! ¡atsók agko' han, yeykhágweykmók ma'a ektémakxa nak ekmátsa yányawhéna' apyegmenek!

2 Samuel 1:23

“Apkelásekhamakpók axta han xa apqánet nak Saúl tén han Jonatán, mekxeykpók axta chá'a, ekwokmoho apkeletsapa. ¡Apmelyeyha'ak axta yenyahagkok, apyeykhásseykmók axta m'a náta ekyawe nak! ¡Apmelyeyha'ak axta, apyeykhásseykmók axta yámakméwa!

Cantares 1:5

Kelán'ák Jerusalén, sélpésyam eykhe ko'o, etásek eyke; Sélpésyam, hawók émpehek ma'a apkelpakxenéyak nak énxet'ák ma'a yókxexma Quedar. Etáse', máxa m'a Salomón apáwa napwe'ék apagkok kélmakheyáseykegkól'a m'a kañe' apxagkok.

Cantares 4:3

Yexwásawók nahan ma'a átog, máxa m'a yátépépe' kélyexwásessól'a apyexwase apagko', kamok han egwáxok ma'a ekpeywa. Máxa yántakyexna kélpáxqatmal'a neyseksa amáxempenák ma'a teyp nak eyáhakkasso nát apáwa apkexyawe.