Cantares 1:13 - Biblia Enxet

¹³ Ekhéssamók ko'o sekpagkanma m'a ektémól'a nahápa apketkok kélxatal'a aqsok ánek ekmátsa ekpaqneyam, sekmakheyáseykencha'a nak chá'a nepyeseksa neme ahagkok.

Cantares 1:13 交叉參考

Salmos 45:8

Apkelpaqneykmók apkelnaqta m'a aqsok ánek ekmátsa nak ekpaqneyam, tén han áloe, tén han canela; kélpeykessáseykekxeyk apwáxok kélpáwássessama yát'axpog ma'a apxagkok apkelyawe nak, kélnáxegkáseykha nak yánnapóxeg apma'ák.

Cantares 5:13

Hawók nahan apmáxempenák ma'a kélcheneykekxexal'a pánaqte exnók élmátsal'a élpaqneyam. Yexwásawók nahan ma'a apátog élpexyaweykentamxa nak élsekkeneykenta m'a yámet ánek ekmátsal'a ekpaqneyam.

Cantares 5:5

Tén axta sekhákxo néten peya ameykessesek átog ma'a sekpagkanma. Eklegágkók axta nahan ekpálwa'akto emék tén han ephék élsekkeneykenta m'a yámet ánek ekmátsa nak ekpaqneyam, tén han ma'a nenleklamakxa nak átog. ¡Xama axta sekleg'a appeywa máxa axta entáhak peya enxoho watsapok! Ekmeykessessek axta átog ma'a sekpagkanma, méko axta eyke m'a apkenmágkaxa axta. Étamchek axta, maxta eyke óteyákxa'. Ekwóneyha axta eykhe nahan maxta heyátegmowágkok.

Cantares 5:1

Eyáxeg, sekpagkanma, ektaxnegwa'akteyk kañe' séneykekxexa pánaqte exnók ahagkok. Élmákxeyk kaxwók ma'a yámet ánek ahagkok ekmátsa nak ekpaqneyam tén han ma'a élmátsessamo nak élpaqneyam aqsok. Ektókek kaxwók yányawhéna' apyegmenek ahagkok, ekyenchek nahan ma'a vino ahagkok tén han ma'a weyke nagkeygmenek ahagkok. Énámakkok sélásekhayo, kóltawák, kólyenák nahan, ¡kólyenák ekwánxa enxoho kélmaka!

Cantares 4:14

tén han ma'a pánaqte exnók élmope élmátsa nak élpaqneyam tén han ma'a pánaqte exnók ekwesey nak Azafrán, yámpa'at ekmátsa nak ekpaqneyam, tén han ma'a yámet canela ekmátsal'a ekpaqneyam, tén han ma'a ekyókxoho mók ektémakxa nak chá'a yenta'a élyawe élmátsa nak élpaqneyam éten agkok, tén han ma'a yámet ekmátsa nak ekpaqneyam ánek, tén han ma'a hó kentem; ¡ekyókxoho yámet élmátsa nak élpaqneyam!

Cantares 4:6

Xegakmek sa' agkok élseyéxma ekmassa enxoho ekyaqtéssóxma, amyekxak sa' ma'a néten egkexe ekyetnamakxa nak yámet ánek ekmátsa ekpaqneyam, egkexe ekyetnamakxa nak aqsok ekmátsa ekpaqneyam éten agkok.

Cantares 3:5

Kelán'ák Jerusalén, néltamhók negko'o mehẽltawássesha neghéyak, yetlo kélxeyenma xenaq étkok tén han popyet apketkók. ¡Hẽlho aqsa aghagkok ekwokmoho nennaqxétekhágko!

Cantares 2:7

Kelán'ák Jerusalén, néltamhók negko'o mehẽltawássesha neghéyak, yetlo kélxeyenma xenaq étkok tén han popyet apketkók. ¡Hẽlho aqsa aghagkok ekwokmoho nennaqxétekhágko!

Génesis 43:11

Keñe axta apyáp aptáha apchátegmowágko s'e: —Kólteme sa' se'e ektáha nak, méko antéhek: kólxatmák sa' yágkentamáhak kélagkok aqsok yaqwayam kólmések aqsa m'a énxet nak. Kólsow sa' ma'a éltaqmalma élánamáxche negókxa, cham'a élmátsessamo nak ekpaqneyam aqsok, tén han yányawhéna' apyegmenek, tén han sokmátsa, tén han ma'a yámet ánek ekmátsa nak ekpaqneyam, tén han ma'a mokwa, tén han ma'a pók aptémakxa nak mokwa.

Cantares 3:6

¿Yaqsa ekxegakmo nak yókxexma meykexa énxet, ekxegakmo nak ekho éten ekpánma ekmeyeykekxa néten, ekxegakmo nak yetlo émpasso ekpaqneyam ma'a yámet ánek ekmátsa nak ekpaqneyam tén han ma'a aqsok ekmátsa nak ekpaqneyam éten agkok, tén han ma'a ekyókxoho mók ektémakxa nak chá'a sokmátsa?

Cantares 4:16

Excheyha, ¡Kaxatakha'! Yeyam, ¡Emyenta s'e! ¡Kólwátekhapwata séneykekxexa pánaqte exnók, kólampés ekpaqneyam ekmátsa! Sekpagkanma, emyenta' apkeneykekxexa pánaqte exnók apagkok, etáswata ekyexna ekmátsa agko' nak.