Amós 2:3 - Biblia Enxet

³ ¡Amasséssók sa' ko'o wesse' apwányam nepyeseksa énxet'ák apagkok; waqhek sa' yetlo énxet'ák apagkok ekha nak kéláyo!” Wesse' egegkok apxeyenma xa.

Amós 2:3 交叉參考

Job 12:21

Meyke kéláyo chá'a etnessásekxak ma'a kelwesse'e nak, elyélaqtéshok han chá'a m'a ekha nak apkelyennaqte.

Salmos 141:6

Kólchexeynták sa' néten meteymog ma'a apkelámha amonye'e apagkok nak ma'a élmasagcha'a apkeltémakxa, elya'ásegwók sa' ektáha naqso' ma'a sektáhakxa sekpeywa.

Salmos 2:10

Kelwesse'e apkelwányam, tén han apkelámha apmonye'e nak keso náxop, kóltaqmelchesho kélháxenmo s'e, ¡kalestegák se'e, kóláwho han!

Isaías 40:23

Mékoho nahan chá'a etnessásekxak ma'a énxet'ák ekyawe nak kéláyo, emasséssamhok nahan chá'a m'a kelwesse'e nak keso náxop.

Jeremías 48:25

Aptáhak Wesse' egegkok se'e: “Kélmasséssekmek apkelyennaqte énxet'ák Moab, massegwokmek ekha apkelmopwancha'a.”

Jeremías 48:7

“Moab, apcháyók axta chá'a exchep ektémakxa ekha apyennaqte, tén han ekxákma aqsok apagkok, emakpok sa' eyke exchep xa. Kólya'aksek sa' megkatnahakxa apchókxa m'a Quemós apcháyókxa nak xép, yetlo m'a apkelmaxnéssesso nak chá'a énxet'ák apagkok, tén han ma'a énxet'ák ekha nak kéláyo.

Amós 5:12

Ekya'ásegkók ko'o ekxámokma m'a kéltémakxa ekmaso, tén han ekyawe agko' megkólya'assáxma: kóltawasagkohok chá'a m'a ektaqmalma nak aptémakxa, kólmok chá'a selyaqye yaqwayam megkólxének ektemegweykmohóxma, keñe m'a sẽlyekpelchémókxa nak kóltamhok chá'a megkamaxcheyk aqsok apkelxeyenma m'a apkelmopyóseka nak.

Amós 5:7

¡Kéxegke laye, kéltemessáseykekxa nak aqsok ekmáske m'a nentémakxa ekpéwomo, tén han kélyamasma nak ekpéwomo kéllánekxésso amya'a énxet'ák!

Amós 6:12

¿Apwancheya yenyahagkok yátnáxeg neyseksa meteymog? ¿Kélwancheya kólpeynchók xapop ma'a neyseksa wátsam ekwányam? ¡Pánaqte segaqhamo kélteméssáseykekxak kéxegke m'a ekpéwomo kéllánekxésso nak amya'a m'a énxet'ák, keñe m'a ektekkesso nak chá'a nentémakxa ekpéwomo kéltemessáseykekxo ekmáske!

Números 24:17

Ekwet'ak ko'o yaqwánxa katnehek egmonye', ekwet'ak ko'o makhawók agko' aqsok: yaw'a m'a aptepa nak aphakxa Jacob xama wesse' apwányam ma'a aptepa nak Israel. Eyaqhakkasek sa' apqátek ma'a Moab, eltepelchássesek sa' apqatkok ma'a apyókxoho nak Set aptawán'ák neptámen.