2 Samuel 1:3 - Biblia Enxet

³ Axta aptáhak apkelmaxneyáncha'a David: —¿Háxko apkeñamakxa' exchep? —Ényeyk ko'o sekxeganakmo m'a apkelpakxeneykegkaxa nak israelitas —axta aptáhak apchátegmowágko m'a énxet nak.

2 Samuel 1:3 交叉參考

2 Samuel 1:2

Keñe ektáha ántánxo ekhem apwokmo xama énxet ma'a appakxanmakxa axta Saúl, apkelyeptamap apkelnaqta, tén han xapop ánek apqátek, magkenatchesso élapwokmo. Xama axta apwokmo m'a aphakxa nak David, apháxahánteyk axta ekwokmoho aptekxekwa'akto nápat xapop apxekmósa apcháyo.

2 Samuel 1:4

—¿Yaqsa ektáha? ¡Héltennés! —axta aptáhak apcháneya David. —Apkenyahágkek émpakháxchexa m'a sẽlpextétamo egagkok, apxámok han aptekyawa —axta aptáhak apchátegmowágko m'a énxet nak—. ¡Apketsekkek han Saúl yetlo apketche Jonatán!

2 Reyes 5:25

Tén axta apmeyákxo m'a aphakxa nak wesse' apagkok, keñe axta Eliseo apkelmaxneyáncha'a: —Guehazí, ¿háxko apkeñektamxa'? —Mawegkeypawok ko'o —axta aptáhak apchátegmowágko Guehazí.

1 Samuel 30:13

Keñe axta aptáha apkelmaxneyáncha'a David se'e: —¿Yaqsa exchep wesse' apagkok? ¿Háxko apkeñamakxa'? Axta aptáhak apchátegmowágko s'e: —Egipcio ko'o, amalecita apchásenneykha, ántánxo ekhem akke táhak seyamasma m'a wesse' ahagkok, hakte ekháxamáxche',