1 Samuel 3:9 - Biblia Enxet

⁹ aptáhak axta apcháneya: —Étnakxa makham; apwóneyha sa' agkok makham Wesse' egegkok, etne sa' yátegmowagkok se'e: ‘Epaqmet, weyxhok sa' ko'o, sektáha nak xép apkeláneykha.’ Keñe axta aptaqháwo makham Samuel apyetnákxo m'a apyetnamakxa.

1 Samuel 3:9 交叉參考

Salmos 85:8

Weyxhok sa' ko'o peya nak exének Wesse' egegkok; hakte exének sa' egkések meyke ektáhakxa apheykha m'a énxet'ák apagkok, cham'a ektáha nak chá'a melyenseyam apkelyetleykha, melánegkokxo enxoho makham apkeltémakxa élyeyháxma.

Salmos 85:9

Yahamok chá'a elwagkasek teyp Dios ma'a ektáha nak chá'a apcháyo; keytek sa' chá'a apcheymákpoho s'e negheykegkaxa nak.

Éxodo 20:19

Tén axta énxet'ák aptáha apcháneya Moisés se'e: —Hẽlpaqhetches negko'o exchep, magya'ássemek sa' eyke m'a aptáhakxa enxoho sẽláneya; eyke móltamhok negko'o hẽlpaqhetchesek ma'a Dios, óletsapok katnehek.

Isaías 6:8

Tén axta sekleg'a Wesse' egegkok appeywa. Axta entáhak se'e: “¿Yaqsa sa' ko'o wáphaksek? ¿Yaqsa sa' katnehek apseykha amya'a egagkok?” Axta ektáhak ko'o seyátegmowágkokxo s'e: “Keso ko'o s'e, heyáphés ko'o.”

Daniel 10:19

aptáhak axta seyáneya s'e: ‘Nágye aqsa, nágkatneykha apwáxok. Apchásekhayók xép ma'a Dios; ¡ewasqápekxoho, énnaqteyásekxoho apwáxok!’ “Ekyekpelcheyk axta peya amekxak makham sekyennaqte neyseksa sepaqhetchesso, tén axta sektáha seyáneya s'e: ‘Wesse', héltennés kaxwók apmako exchek héltennaksek, hakte egkeyásekxeyk makham sekyennaqte.’

Josué 5:14

—Háwe ko'o xa xama nak —axta aptáhak apchátegmowágko m'a énxet—. Ekwa'ak ko'o sektáha sémha emonye' m'a sẽlpextétamo Wesse' egegkok nak apkelásenneykha. Keñe axta Josué apháxahánto ekwokmoho aptekxeya nápat xapop, tén axta apkelmaxneyáncha'a: —¿Yaqsa apkeltamho alának ko'o Wesse' egegkok, aptáha nak xépxa apkeláneykha?

1 Samuel 3:10

Tén axta apwa'akto makham Wesse' egegkok, apkenmáha axta, keñe aptáha makham apwóneyncha'a m'a aptáhakxa exchek ma'a sekxók xeyk: —¡Samuel! ¡Samuel! —Epaqmet, ekhaxnawo', ko'o sektáha nak xép apkeláneykha —axta aptáhak apchátegmowágko Samuel.

1 Samuel 3:8

Ántánxo axta táhak apwóneykha Wesse' egegkok ma'a Samuel, keñe axta aphákxo makham néten apya'aweykxo m'a Elí, aptáha apcháneya s'e: —Ekwa'akteyk makham; ¿yaqsa ektáha sewónencha'a? Apya'ásegwokmek axta Elí ektáha apwóneykha Wesse' egegkok xa sakcha'a nak,