1 Samuel 2:2 - Biblia Enxet

² ¡Wesse' ahagkok, méko ekhawo exchep ma'a aptémakxa nak appagkanamap! ¡Dios egagkok, méko exchep ekhawo ektémakxa nak segmasma! ¡Méko ekhawo exchep!

1 Samuel 2:2 交叉參考

2 Samuel 22:3

Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netnók agko', tén han sekheykekxexa nak chá'a eyxanmok, xép apteme sewagkasso teyp. ¡Ewagkassegkek teyp nepyeseksa m'a énxet'ák apkelyennaqteyáseykha nak chá'a apyempe'ék!

2 Samuel 22:32

¡Dios apteme wánxa xama, méko pók. Méko mók aqsok kéláyókxa awanchek hentaqmelchesek!

2 Samuel 7:22

Wesse' ahagkok, ¡apwányam apagko' xép! ¡Hakte méko ekhawo exchep, méko han aqsok kéláyókxa ekhawo exchep, ekhawo m'a ekyókxoho ektémakxa nak chá'a negko'o nenlegaya.

1 Reyes 8:23

aptáha s'e: “Wesse' egegkok, Dios nak Israel: méko exchep ekhawo m'a néten, tén han keso náxop, apkeláneya nak chá'a m'a ekhémo mók nélpaqhetchásamáxkoho, apxekmóssama nak chá'a ektaqmeleykha apwáxok ma'a ektáha nak chá'a apkelyetleykha ekmámenyého agko' apkelwáxok;

Salmos 111:9

Apkelmallahanchessegkek aqsok ekyentaxno énxet'ák apagkok, apkelánessegkek nahan ekhémo mók nélpaqhetchásamáxkoho apagkok meyke néxa. Dios apteme appagkanamap, tén han apcheymap.

Salmos 18:2

Xép apteme setaqmelchesso, sekyexánegweykekxexa', semallahanchesso, Dios ahagkok, semasma apyennaqte, seyáhakkásamáxche', sewagkasso teyp apmopwána, xép apteme sekyexanmomakxa netno' agko'.

Salmos 18:31

Dios apteme wánxa xama, méko pók. Méko mók aqsok kéláyókxa awanchek hentaqmelchesek.

Salmos 71:19

Oh Dios, weykmok xép aptémakxa ekpéwomo m'a néten, élyawa agko' xép aqsok apkelane; ¡méko aghéshok xép!

Salmos 71:3

Etne exchep semasma apyennaqte, ¡etne exchep tegma apyennaqte sekyexanmomakxa, tén han sewagkasso teyp! ¡Xép apteme semasma apyennaqte, tén han tegma apyennaqte ahagkok!

Salmos 73:25

¿Yaqsa ekyetnama ko'o m'a néten? ¡Wánxa exchep! Ekheyk sa' agkok xamók xép, méko sa' wámenyéhok aqsok keso náxop.

Salmos 86:8

Wesse', ¡méko aqsok kéláyókxa aghéshok xép! ¡Méko kaxhok élane m'a aqsok apkelane nak xép!

Salmos 89:6

Wesse', méko xama enxoho aqsok kéláyókxa negmowána aghéshok xép, méko han xama aqsok enxoho ekhawo exchep ma'a ekhéyak nak néten!

Salmos 89:8

Wesse', Dios ekha nak apyennaqte, apagkok xép ma'a ekyókxoho nak apmopwána, wakhayak ma'a aptémakxa ekmámnaqsoho nak; ¡méko ekhawo exchep!

Salmos 99:3

Kólpeykeshok sa' chá'a apwesey ekyawe, tén han mageysso nak agè'; ¡Dios apteme appagkanamap!

Salmos 99:5

¡Kólpeykesho Wesse' egegkok, Dios egagkok, kóltekxeyák kéltapnák ma'a apmonye' aphakxa nak! ¡Dios apteme appagkanamap!

Salmos 99:9

Kólpeykesho Dios Wesse' egegkok, ¡kóltekxeyák kéltapnák ma'a amonye' nak egkexe apagkok ekpagkanamaxche'! ¡Appagkanamap ma'a Dios Wesse' egegkok, cham'a Wesse' egegkok nak!

Éxodo 15:11

“Wesse' egegkok, ¡méko pók dios egwanchek aghéshok xép! ¡Méko apwányam aphawo nak xeyep! ¡Xeyep apkelane chá'a m'a aqsok ekpelakkasso nak agweta' tén han ma'a ekpexchessamo nak egyempehek agweta'! ¡Payhawók xeyep kólteméssesek apcheymákpoho!

Isaías 40:18

¿Yaqsa sa' kólhéshok kéxegke m'a Dios? ¿Yaqsa sa' aqsok kólyetchásekxoho'?

Isaías 44:6

Aptáhak Wesse' egegkok se'e, Wesse' apwányam apwagkasso nak teyp ma'a Israel, Wesse' ekha nak Apyennaqte: “Ko'o sekteme eyeynókxa tén han ektemegwánxa néxa; méko pók kéláyókxa, ko'o sekwánxa ahagkok.

Isaías 44:8

¡Kólwasqápekxoho, nágkóle'! Axta ektemék ko'o sélanagkama kéxegke xa ektáha nak, eklegassegkek axta m'a nanók agko' axta, kéxegke kélteme kélya'áseykegkoho. ¿Yetneyk enxeykel'a pók dios mók nekha? Méko pók apkelmasma énxet; mateyk xama enxoho.”

Isaías 57:15

Hakte aptáhak appeywa Meyke nak Ekhémo s'e, memassegwayam nak apwesey nak aptaqmalma: “Ekhegkek ko'o m'a netno' nak, ekpagkanamaxchexa nak, ekhegkek eyke nahan nepyeseksa m'a énxet'ák apkelyelqamákpoho nak tén han ma'a apkellegeykegkoho nak ekyentaxno apkelwáxok, yaqwayam enxoho alwasqakkásekxohok chá'a tén han agkeyásekxak chá'a apkelyennaqte.

Isaías 6:3

Axta aptáhak nahan chá'a apcháneya pók se'e: “Aptaqmalma, aptaqmalma, aptaqmalma Wesse' egegkok ekha nak apyennaqte; sawheykekxók apcheymákpoho ekyókxoho keso náxop.”

Jeremías 10:6

Wesse', méko ekhawo exchep, xép apteme apwányam apagko', ekwányam ma'a apwesey, tén han ekteme ekyennaqte.

Levítico 11:44

hakte ko'o sekteme Dios Wesse' kélagkok. Kéméxcheyk kéxegke kóláxñásekxohok kéltémakxa, tén han kólteméssesaxchek kélpagkanamaxche', hakte ko'o sekteme sekpagkanamaxche'. Nágkólteméssesaxche élmanyása kélyempe'ék kóltók xama enxoho m'a aqsok élpexyaweykegkoho nak náxop kalxog.

Levítico 11:45

Ko'o sekteme Wesse' kélagkok, sélántekkesso axta m'a Egipto, yaqwayam héltéhek Dios kélagkok. Kéméxcheyk kéxegkáxa kóltéhek kélpagkanamaxche', hakte sekpagkanamaxche ko'o.”

Levítico 19:2

“Etne sa' elának israelitas se'e: “Kólteméssesaxche sa' kéxegke kélpagkanamaxche', hakte ko'o Dios Wesse' kélagkok, sekteme sekpagkanamaxche'.

Deuteronomio 3:24

‘Wesse', apcheynawók xeyep sexekmósa apteme apwányam apagko' tén han ekha apmopwána, ko'o sektáha nak apkeláneykha. Méko pók Dios néten tén han keso náxop apmopwána elának aqsok ekpelakkasso nak agweta' apkeláneya nak chá'a exchep.

Deuteronomio 32:20

tén axta aptáha s'e: ‘Malanók sa' ko'o kaxwók xa, ¡alanagkohok sa' háxko sa' kexa katnehek! Naqsók aptamhéyak énxet élmasagcha'a apkeltémakxa xa, énxet'ák magmowána nak anteméssesek naqsók apkeltémakxa.

Deuteronomio 32:39

Ko'o sekwánxa ahagkok xama Dios; méko mók aqsok kéláyókxa, Ko'o sekmésso chá'a ekyennaqte apnények énxet, tén han apketsapma chá'a; ko'o nahan sekyensasso chá'a, tén han sektaqmelchessesseyam chá'a. ¡Méko xama énxet hégketek ko'o!

Deuteronomio 32:4

Cha'a apteme segmasma m'a; kelpéwók ma'a aptamheykha nak, kelpéwók nahan chá'a m'a aqsok apkelane nak. Cha'a apteme Dios apmámnaqsoho m'a, méko xama aqsok enxoho megkapéwomo apkelane; ¡appéwomo m'a tén han apmámnaqsoho!

Deuteronomio 4:35

Cháxa apxekmóssama axta kéxegke Wesse' egegkok xa yaqwayam enxoho kólya'asagkohok apteme apmámnaqsoho Dios, méko pók aphawo enxoho.

Deuteronomio 4:39

“Nágkólwatéssem ekxéneykha kélwáxok Wesse' egegkok apteme Dios ma'a néten tén han keso náxop, méko pók aphawo enxoho m'a.