Matyu 8:4 - Enga Niu Tesamene

⁴ Dokopa Jisasame baa lamaiyoo, “Nambame embanya pyakalo doko mende lamaiya naenya, prisa dokome emba kandena puu. Pupala Mosesame mana seteali pyoo embame dopale mende Gote kundi maitinopa, endakali dupame embanya yaina doko etapya-lamo lao kandenana” lea.

Matyu 8:4 交叉參考

Luku 17:14

Dopa leaminopa Jisasame dutupa kandatala lamaiyoo, “Prisa dupame nyakama kandena pupa” lea. Dokopa dutupa kaitinisa peaminopa, dutupanya kopetali dupa mee jia.

Luku 5:14

Dokopa, pia doko akali dokome mende lamaiya naena latala, Jisasame baa lamaiyoo, “Prisa dokome emba kandena puu. Pupala Mosesame mana seteali pyoo embame dopale mende Gote kundi maitinopa, endakali dupame emba pyoo wasepae kalyene-lamo lao kandenana” lea.

Make 7:36

Dopa pia doko endakali kambu dokome endakali mende lamaiya naena lao Jisasame kyeto joo daa lea. Dopa leaka doko, dupame etete eteke pyao lao taeyami.

Matyu 9:30

Dopa leamopa akali dolaponya lenge dolapo auu pyoo teambi. Dokopa Jisasame akali dolapo kyeto joo lamaiyoo, “Nyakamba-kisa pilyamo dake endakali waka mendeme setana, lamaiya naeyalapape” lea.

Make 6:11

Yuu tange dupame nyakama auu kaeyao lanyala naeyao, nyakamanya pii doko nasoaka piami-kandeno doko, endakali taono dokonya tange dupa-kisa tenge sipya-lamo lao kandena, yuu doko yakinatala patami dokopa, nyakamanya mokonya yuu katata dupa lyanda lanya setapala pupape. Goteme endakali dupa yapatamo gii dokopa, Sodomopa, Gomorapa dolaponya tange dupa tanda andake maitaka doko, taono dokonya tange dupa tanda eteteaka andake maitana lao nambame nyakama kiningi langilyona” lea.

Make 5:43

Pia doko endakali dupame setamina, mende lamaiya naena lao Jisasame kyeto joo dutupa pyalanya lea. Dopa latala wanaku doko nee nena nyoo maina lea.

Matyu 17:9

Yuu manda doko yakinatala lanao ipao pituu, Jisasame dutupa kyeto joo lamaiyoo, “Nyakamame kanjamino doko, Akalinya Ikiningi doko kumapala sakatatatamopa, endakali dupa lamaitamina, indupa endakali mende lamaiya naeyalapape” lea.

Matyu 10:18

Nyakamame namba watao paelyamino latala, endakali dupame nyakama laminao pupala kiŋipi, gapenapi dupanya enombanya katasetami. Dopa pitaminopa, nyakamame kandelyaminopi, silyaminopi dupa kiŋipi, gapenapi, akali tata wakapi dupa panao lamaiyepape.

Matyu 6:1

Jisasame lao pituu, “Endakali dupame kandena lao nyakamame endakali tipya dupa panao maitamino doko, nyakamanya Takange kaiti-kisa katenge dokome nyakama yole mende nanditana, kandao kalyepape.

Matyu 5:17

“Mosesanya loo dupapi, propeta dupame mana leami dupapi, dupa nambame nyoo nepalanya epeena lao masala naeyalapape. Dupa nambame nyoo nepalanya naepeo. Dupa angi jisalanya epeo.

Jone 8:50

Namba tange kenge andake nyalanya kaitini kutao nakalyo. Akali mendeme namba kenge andake dyaanya pilyamo dokome endakali dupa tolao yapenge.

Jone 7:18

Endakali mendeme baanya kyetome pii lelya dokome, baa tange kenge andake nyotoo lao lenge. Dopaka doko, endakali mendeme baa epena leamo akali doko kenge andake nyina lao kiningi pii lenge. Endakali doko-kisa mana koeyapae mende nasingi.

Jone 5:41

Namba endakalimi lalyina lao nakalyo.

Luku 21:13

Dopa pitami dokome, nyakamame kandelyaminopi, silyaminopi dupa lao panalapale lao kaitini mende setakatami.

Make 8:30

Dopa lateamopa, baa akali dokona lao endakali mende lamaiya naena lao kyeto joo daa lea.

Matyu 16:20

Dopa latala, Jisasa baa Kraisa dokona lao baanya disaipolo dupame endakali mende lamaiya naena lao kyeto joo daa lea.

Matyu 3:15

Dopa leamopa Jisasame baanya pii yanu pyakamaiyoo, “Nalimbame kalai tolatae pipenge dupa pitambano doko yakana, indupa pimbana pii” lea. Dokopa Joneme yakana latala, Jisasame leali pia.

Make 13:9

“Endakali dupame nyakama anjetala laminao pao, kanjole dupa-kisa kotimi lata, lotuu anda dupanya nyakama pyao indyepa pitamina, kandao kalyepape. Nyakamame namba watao paelyamino latala, endakali dupame gapenapi, kiŋipi dupanya enombanya nyakama katasetami. Dopa pitaminopa, nyakamame kandelyaminopi, silyaminopi dupa akali dokaita panao lamaiyepape.

Make 3:12

Dokopa imambu koo dupame Jisasa baa akali dokona lao, lao panala naena lao kyeto joo pyalanya lea.

Make 9:9

Yuu manda doko yakinatala lanao ipao pituu, nyakamame kanjamino doko, Akalinya Ikiningi doko kumapala sakatatatamopa, endakali dupa lamaitamina, indupa endakali mende lamaiya naena lao, Jisasame kyeto joo daa lea.

Luku 4:41

Dopa piamopa, imambu koo mendapuame endakali dupanya longo yakinatala pao pituu, “Emba Gote Ikiningi Kraisa dokona” lao puu lao leami. Dokopa, imambu koo dupame baa Kraisa dokona lao kandengema dokonyana, dupame pii laa naena lao baame daa lea.

Luku 8:56

Dokopa wanaku dokonya endangi takangepa dolapo paka kaeyao walu leambi. Piamo doko endakali mende lamaiya naena lao Jisasame kyeto joo daa lea.

Luku 9:21

Dopa lateamopa, Jisasame baa akali dokona lao endakali mende lamaiya naena lao kyeto joo daa lea.