2 Nyakamame endakali mende-kisa tenge setatamili pyoaka, Goteme nyakama-kisa tenge setata. Nyakamame endakali mende yapatamino doko, makande mendai dokomeaka Goteme nyakama yapata.
Nyakamame endakali dupanya koo dupa kame sakamaitamino doko, nyakamanya Takange kaiti-kisa katenge dokome nyakamanya koo dupa kame sakataka.
Dopa latala baame dokaita lamaiyoo, “Nyakamame pii setamili pyoo Goteme nyakama pii langita. Pii setami endakali dupa baame pii mendatupa apata konda pyoo langita. Dopana, nyakamame pii silyamino dupanya tenge dupa masokondape pyepape.
Nyakamanya oapi dupa endakali dupa maiyepape. Dopa pitaminopa, Goteme makande mendai dokomeaka nyakama dita. Baame eteteaka longo lyanda-lyanda lao tumbasetamopa, nyakama-kisa eteteaka tumbatala kai lao patana” lea.
Nyakamame pii dake masalapape: Endakali mendeme ee wai kuki pokelya dokome, nee kukiaka mandenge. Ee wai longo pokelya dokome, nee longoaka mandenge.
Endakali kondo kaenge dokome endakali yapenge doko ita miningi. Endakali mendeme endakali mende kondo nakaeyatamo doko, Goteme endakali dupa yapata gii dokopa, Goteme baa kondo nakaeyataka.
Muni nyoo akali nyala paenge enda dokome koo piamo dupa masetala, nyakamame baanya mana koo miniamo dupaka baa-kisa minalapape. Baame koo piamo dupanya koo dopale mendapuame konda pyakamaiyepape. Kapo mendenya endaki kaa pipae mende baame depa leamo dopale mendatupame konda pyoo depa lakamaiyepape.
