4 “Endakali ee lao katengema dupa Goteme auu pisingi. Auu pisetae dupanya mona tambo lasakamaita.
Dopa leamopa Abraameme lao pituu, ‘Wane, embame masepe: Emba yuunya kateeno dokopa, oapi epe dupa pitaka embame nyiinopa, Lasarusame koo dupa nyia. Dopaka doko, indupa panda dakenya baa mona yaepasimupa, emba tanda andake nyilyino.
“Nyakama indupa lopo kaeyao kalyamino dupa Goteme auu pisingi. Tanga nyakama tiaka kaeyao katatami. “Nyakama indupa ee lao kalyamino dupa Goteme auu pisingi. Tanga nyakama gii kaeyao katatami.
“Nyakama indupa nee tiaka kaeyao kalyamino dupa koeyatami. Tanga nyakama lopo kaeyao katatami. “Nyakama indupa gii kaeyao kalyamino dupa koeyatami. Tanga nyakama yamataka lao ee lao katatami.
Ipupala Jisasanya moko setea dosa katapala ee leamosa, ee ipange epea dokome Jisasanya moko dolapo tee pyao tombe lakamaiya. Dopa petala, enda dokome baanya aiyomba itimi moko tombe lea dolapo kunao nepatapu nunu pia. Dopa petala, moko dolapo wele kai lao kai pyakamaiya.
Dokopa Jisasame enda doko lamaiyoo, “Embame namba tungi pilyino dokome emba pyoo nyepelyamona, mona yaepatala puu” lea.
Makande pipae dupa ipatamopa, akali mendeme Jisasa tungi pingi doko yakinala naeyao minatae katatamo doko, baa Goteme auu pisetae. Gote auu kaenge endakali dupa lete katataminopa lao, kiŋi balu mende, Kamongome maitona leamo doko, makande pipae dupa ita minata akali dokome nyeta.
Baame dupanya lengenya ee ipange dupa pitaka kunao nepakamaita. Dopa pitamopa, kumingi doko dee naseta. Dopale wamba piamo dupa pitaka etapelyamo dokonya, mona kenda kaeyao ee lao tanda nyala naeyatamina” lea.
