Matyu 22:3 - Enga Niu Tesamene

³ Yangatakamai kiŋi dokome endakali epena latae dupa baanya kalai akali dupame lanyala pena lea. Dopa lateamopa, dokaita pupala nee nala epena lao nee napenge latae dupa lamaiyaminopa, dokaita daa leami.

Matyu 22:3 交叉參考

Matyu 21:34

Waene wambu pingi gii doko tengesa piamopa, baanya kalai akali mendapu ee isakamaingi dupa kateami dokonya pupala, waene dii baa nyepenge dupa lyao peekena lao nyala pena lea.

Matyu 23:37

“O Jerusalema, Jerusalema! Embanya endakali dupame propeta dupa pyao kumasoo, epena latae endakali dupa kaname pyao kumasoaka katengema. Nambame embanya wane dupa nyoo kambu pyatala, yaka matakaiyame ŋaŋa dupa papa pundipundi yapu nengeli pitoo lao, paa longosa masiopa, dupame tanga leami.

Matyu 3:2

“Kingdom kaiti-kisa singi doko tengesa ipatelyamona, nyakama mona kapilyalapa” lea.

Matyu 9:15

Dopa leaminopa Jisasame dokaita lamaiyoo, “Akali mende enda kelyapala watapae pyao, baanya tata dupa-pipa kalyamo gii dokopa, baanya tata dupame ee lao katengemape? Gii doko palitamopa, akali enda kelyenge doko nyoo patataminopa, baanya tata dupame loma soo nee nanao katatami.

Luku 13:34

O Jerusalema, Jerusalema! Embanya endakali dupame propeta dupa pyao kumasoo, epena latae endakali dupa kaname pyao kumasoaka katengema. Nambame embanya wane dupa nyoo kambu pyatala, yaka matakaiyame ŋaŋa dupa papa pundipundi yapu nengeli pitoo lao, paa longosa masiopa, dupame tanga leami.

Luku 15:28

Dokopa wane mupa doko imbu kaeyapala andakote napatoo lao masia. Dopa lao masiamosa, baanya takange doko kamaka pyakalyetala, baa andakote epena lao pii andiki pyoo lamaiya.

Luku 19:27

Nambanya yandapipi dupame namba kiŋi nakalyale lao masiamino dupa asa laminao ipupala, nambanya enombanya pyao kumasalapa’ leana” Jisasame lea.

Jone 5:40

Dopaka doko, nyakamame namba-kisa lete katenge doko nyala naepenya tuu pilyamino.

Aposole 13:45

Kambu piamino kandatala, Juu dupame Polo-pipa etete tilya nyepala, baame pii lea dupanya pii yanda pimaiyoo lao nepeami.

Roma 10:21

Dopaka doko, Gotenya kambu alo pyoo, Aisaiyame Israele dupa lao dapa lea-pyaa: “Kuka kotakapi nambanya endakali dupa lanyotoo latala, nambanya kingi pee latae kateopa, dokaitame pii nepao, pii tanga lao kateamina” lea-pyaa.

Ibru 12:25

Wamba isa yuu dakenya Goteme endakali dupa pii yalatamina kandao kalyepape lamaiyamopa, tanga lao pii yaleami dupame baanya imbu kaeya doko kapa pao wandyala naeyami-pyaa. Dopa piami-pyaana, Goteme kaiti-kisa katao, baanya pii dupa yalatamina kandao kalyepape lao naima langitamopa, tanga lao pii yalatamano doko, baanya imbu kaenge doko etete wandyala naeyatama. Dopana, Goteme pii lelyamo doko tanga laa naeyalapape.

Ibru 9:15

Kraisa baa Gotepa, endakalipanya kaina dokonya katapala, pii enenge lao yaki petae doko endakali dupa maingi. Gote-kisa etete nyepenge dupa wii lao nyepae endakali dupame nyetaminopa lao, Kraisa baa kumia. Dopa piamo dokome, wambatae pii lao yaki petae dokonya-kaita endakali koo piaminosa anjetae kateami dupa mokao nyia.

Revelesene 22:17

Spirita dokopa, enda kelyapae dokopa, dolapome lao pituu, “Emba ipu” lelyambino. Pii doko seta endakali dokome, “Emba ipu” lenaka. Endaki nanu kaeyata endakali doko epena. Endaki napuli lao maseta endakali dokome lete katasingi endaki doko mee nyoo nena.