Matyu 17:3 - Enga Niu Tesamene

³ Dokopa Mosesapa, Ilaijapa dolapo baa-pipa pii lao kalyu piambinopa kandeami.

Matyu 17:3 交叉參考

Matyu 17:2

Pupala kateaminopa, dutupanya enombanya Jisasa baa waka jia. Baanya lenge-lyaapi doko tii pyoo niki tele pia. Baanya yonge pee dupa kyeo lea doko tii pipae jia.

Matyu 17:4

Kandatala Pitame Jisasa lamaiyoo, “Kamongo, naima dakenya katamanopa auu pilyamona, embame yakana lao maseteno doko, naimame dakenya sele anda tepoma pimana. Mende embanya, mende Mosesanya, mende Ilaijanyana” lea.

Make 9:4

Dokopa Ilaijapa, Mosesapa dolapo Jisasa-pipa pii lao kalyu piambinopa kandeami.

Luku 1:17

Ilaijanya spirita dokopa, kyeto dokopa dolapo Jone-kisa palitamopa, akali tata mende Kamongonya depa lakamaiyanya Jone baa wambao ipata. Baa ipata doko, takange dupame nyakamanya wane dupa mona setena lao baame nyoo pyasalanya ipata. Endakali tolatae dupanya masepae epe dokonya katena lao, tanga lenge endakali dupanya mona kapilyakamaiyanya ipatana” lea.

Luku 16:16

“Mosesanya loo dupapi, propeta dupanya pii dupapi, dupa lamaiyoo pao, Jone kateamo gii dokonya tuu leami. Jone kateamo gii dokonya pituu, Gotenya kingdom dokonya wai pii epe doko lamaiminopa, endakali dupa pitakame kyeto joo Gotenya kingdom dokonya kolandelyamino.

Luku 24:27

Dopa latala, Mosesapi, propetapi dupame pii pepa piami dupanya tee pyao, Gotenya pii pepa pyapae singi dupa pitakanya baa lao pyapae singi dupa dii tambao dolapo lamaiya.

Luku 24:44

Napala baame dokaita lamaiyoo, “Namba nyakama-pipa kateamano gii dokopa, pii nyakama langio dupa dapa lao leo: Mosesanya loo dupanyapi, Propeta dupanyapi, Wee Buku dokonyapi, dupanya pii namba lao pepa pyapae singi dupa pitaka angi jepenge jilyamona leona” lea.

Luku 9:33

Akali dolapome Jisasa yakinalanya piambinopa, Pitame Jisasa lamaiyoo, “Akali Andake, naima dakenya katamanopa auu pilyamona, naimame sele anda tepoma pimana. Mende embanya, mende Mosesanya, mende Ilaijanyana” lea. (Pitame pii lea dokonya tenge doko masala naeyao lea.)

Jone 1:17

Loo dupa Goteme Mosesa-kisa maiya-pyaa. Dopaka doko, kondo kaenge dokopa, kiningi pii dokopa, dolapo Jisasa Kraisa-kisa epea.