Make 8:23 - Enga Niu Tesamene

²³ Dopa leaminopa, Jisasame lenge monda doko kinginya minatae katao, yuu yakane doko yakinatala peambi. Pupala Jisasame sopokali talyinya akali dokonya lenge dolaponya pisetala, akali doko-kisa baanya kingi setea. Dopa petala, akali dokome mende kandelyepe lao Jisasame baa tipa pia.

Make 8:23 交叉參考

Make 5:23

kyeto joo tee lao, “Nambanya wanenge koo doko kumalanya pilyamona, embame baa-kisa kingi setateno doko, baanya yaina doko etapatamopa baa lenge talapomona, kingi setala ipupoko” lea.

Make 7:33

Dopa leaminopa endakali kambu doko yakinatala, Jisasame akali doko iki laminao umbisale pupala, baanya kingi konde dolapo akali dokonya kalekaita pyandea. Dopa petala Jisasame baanya kingi kondenya sopokali talyinya pisetala, muumaa dokonya kekenya watandea.

Make 8:24

Dokopa baame kandalyetala lao pituu, “Nambame endakali dupa kandapupa, ita jepae mendapu kaita paele pilyaminona” lea.

Make 8:26

Dopa piamopa Jisasame akali doko andaka pena latala lao pituu, “Emba taono yakane dokonya paa naeyape. Pyomo doko taono yakane dokonya tange endakali mende lamaiya naeyapeaka” lea.

Aposole 23:19

Dopa lateamopa, amii isingi mupa dokome wane doko kii minao umbisale pupala dolapo iki katao baa tipa pyoo, “Embame namba aki pii mende langitipi?” lea.

Aposole 9:8

Dokopa Solo baa yuunya siamopa minao sakatasiami. Dokopa baame lenge auu pyoo tao endakali mende kandapenge nanjiamosa, baa kii minao Damasakasa peami.

Ibru 8:9

Namba Kamongo dokome dapa lelyo: Israele tatapi, Juda tatapi, dupanya yumbange dupame Ijipi yuu doko yakinatala epeamino gii dokopa, nambame dokaita lanyoo ipupala, dokaita-pipa pii lao yaki pio doko dokaitame wata-minala naeyami. Dopa piamino dokonya, nambame dokaita maita maiyo. Dopa piona, nambame pii enenge lao yaki pito doko, dokaitanya yumbange dupa-pipa pii lao yaki pio dopale daana lao namba Kamongo dokome lelyo.

Revelesene 3:18

Dopa pipae kalyona lao masala naelyeno dokonya, nambame emba dapa langilyo: Emba kamongo kalyale, namba-kisa golo itateme yangao wasepae dupa sambao nyepe. Emba yonge papata katao elya kaelyeno doko endakali dupame nakandena lao yame pyatale, namba-kisa yonge pee kyeo lapae dupa sambao nyepe. Embanya lenge dolaponya matasini katatenopa auu pyoo kanjale, namba-kisa lenge matasini dupa sambao nyepeaka.