Make 5:34 - Enga Niu Tesamene

³⁴ Dokopa Jisasame baa lamaiyoo, “Wanenge, embame namba tungi pyapi dokome, embanya yaina doko etelyamona, emba yaina etapae doko mona yaepatala puu” lea.

Make 5:34 交叉參考

Matyu 9:2

Pateamopa, akali mendapuame akali papa tambutae mende lapa toko dokonya soo baa katea dokonya epeami. Dokopa akali dokaitame tungi piamino doko Jisasame kandatala, papa tambutae doko lamaiyoo, “Nambanya ikiningi, embanya koo dupa kunao nepatae kalyenona, emba mona kenda nakaeyape” lea.

Matyu 9:22

Dokopa Jisasa kapilyetala, enda doko kandatala baa lamaiyoo, “Wanenge, embame namba tungi pyapi dokome, embanya yaina doko etelyamona, emba mona kenda nakaeyape” lea. Dopa lea gii dokopaka, enda dokonya yaina doko etea.

Make 10:52

Dopa leamopa Jisasame baa lamaiyoo, “Embame namba tungi pilyino dokome, embanya lenge dolapo auu pisekelyamona puu” lea. Dopa lalu piamopa, baanya lenge dolapo auu pyoo talu petala, baa Jisasa watao pea.

Make 5:29

Watandalu piamopa baanya yaina doko etea. Dokopa enda dokome baanya yaina doko etalumu lao baanya yonge dokome sia.

Make 5:33

Dopa piamopa, enda dokome baa-kisa pia doko masetala, paka kaeyao walu lao ipao, Jisasa katea dosa tombauli sepala, baa-kisa pia dupa pitaka lao panao kiningi pii doko Jisasa lamaiya.

Luku 17:19

Dopa latala Jisasame akali doko lamaiyoo, “Embame namba tungi pyapi dokome embanya kopetali yaina doko etelyamona, emba sakatatala puu” lea.

Luku 18:42

Dopa leamopa Jisasame baa lamaiyoo, “Embame namba tungi pilyino dokome, embanya lenge dolapo auu pisekelyamona, emba lenge auu pyoo taa” lea.

Luku 7:50

Dokopa Jisasame enda doko lamaiyoo, “Embame namba tungi pilyino dokome emba pyoo nyepelyamona, mona yaepatala puu” lea.

Luku 8:48

Dokopa Jisasame baa lamaiyoo, “Wanenge, emba mona kenda nakaeyape. Embame namba tungi pyapi dokome, embanya yaina doko etelyamona, emba mona yaepatala puu” lea.

Aposole 14:9

Polome pii lea dupa akali dokome soo petea. Dopa piamopa, Polome akali doko kandakondape pyoo kandeamopa, Jisasa tungi pingi doko akali doko-kisa siamosa, baanya moko dolapo auu pyaapomona lao Polome masia.

Aposole 15:33

Yuu gii mendatupa dokonya katapeambinopa, aposole dupa kateami dokonya mona yaepao pilyina lao Kristene kaiminingi dupame lasa leami.

Aposole 16:36

Yanda singi dupame anjetae dupa isingi doko lamaitiaminopa, baame pii datupa Polo lamaiya: “Kote singi dupame nyakamba mokape lao wai peelyaminona, indupa nyakamba mona yaepatala pupa” lea.

Jemesa 2:16

baa yongenya daa jeta dupa nyakamanya mendeme nisala naenya, baa lamaiyoo “Emba nee tiaka kaeyao katape. Kupa nakaeyao mona yaepao katape” late dokome, baa aipa petala nisepae nyeta?