Make 13:34 - Enga Niu Tesamene

³⁴ Gii doko akali mendeme baanya anda doko yakinatala, yuu londati mendakaita pao kateamo dopale. Paanya pituu baanya kalai akali dupame anda doko isoo katekena latala, mendai-mendai lao kalai mokosoo maiya. Dopa petala, akali lome kambu isoo katenge dokome lome kambu doko isokondape pyoo isoo katekena latala, baa pea.

Make 13:34 交叉參考

Matyu 16:19

Kingdom kaiti-kisa singi dokonya kii dupa nambame emba dito. Embame dopale mende isa yuu dakenya yaki pitino doko, kaiti-kisa yaki petaeyaka seta. Embame dopale mende isa yuu dakenya tata lateno doko, kaiti-kisa tata lataeyaka setana” lea.

Jone 10:3

Akali doko epelyamopa, sipisipi epenge kalomba doko isoo katenge akali dokome baanya kaita lumbakamaingi. Dokopa sipisipi setao katenge doko ipupala, baanya sipisipi dupa kenge lao wii lelyamopa, dupame baanya pii doko sepala baa watengema. Watelyaminopa baame dupa laminao kamaka penge.

Roma 13:6

Gapomanenya kalai isoo pingima akali dupa Gotenya kalai akaliaka. Gapomane kalai dokoaka koteaka lao pina lao, takisa dupa nyakamame gapomane maingima.

1 Korina 15:58

Dopana, nambanya mona setenge kaimii paluma, nyakamame lekeleke tao Kamongonya kalai pyakamailyamino doko maa yangatae nakalyamona lao masetala, nyakama mendeme ema pisina lao kaeyala naeyao, kyeto joo katapala, koteaka lao etete nee kaeyao Kamongonya kalai pyakamaiyoo kalyepape.

Kolosi 4:1

Nyakama yuunya kamongo dupame nyakamanya Kamongo doko kaiti-kisa kalyamona lao masetala, nyakamanya kendemane dupa-kisa kapa-kapa lao, mana tolatae minao kalyepape.

Revelesene 3:7

“Piladelepia siosa dokonya enjele kalyamo dokonya dapa lao pepa pyao pyasakamaipi: ‘Akali makande latae, kiningi pii lenge, Dapitanya kii doko minatae katenge dokome, kaita lumbilyamopa mendeme kapa pai laa naenge. Baame iki lumbilyamopa, mendeme kapa pai laa naenge akali dokome dapa lelyamo: