Make 10:42 - Enga Niu Tesamene

⁴² Dopa piaminopa, Jisasame disaipolo dutupa epena latala lamaiyoo, “Akali tata waka dupanya isingi akali dupame isoo katengema endakali dupa kandanya palyetala, dokaita alyasale joo katengema doko nyakamame kandengema. Akali tata waka dupanya akali andake dupame nyakamanya pii wata-minekena lao kandatae paengema doko nyakamame kandengemaka.

Make 10:42 交叉參考

1 Pita 5:3

Sipisipi setao kalyepale lao ditae dupa nyakama kamongo jetala kandanya palyala naenya, nyakamanya mana epe minatami dupa sipisipi dupame kandatala wata-minina lao kalyepape.

Luku 22:25

Dokopa Jisasame dokaita lamaiyoo, “Akali tata waka dupanya kiŋi dupame nyakama alyasale joo katao, endakali isoo katengema dupa kyeto joo isingima. Akali tata waka dupanya isingi akali dupa kenge Nisingi Akali lengema.

Matyu 20:25

Dopa piaminopa, Jisasame disaipolo dutupa epena latala lao pituu, “Akali tata waka dupanya isingi akali dupame isoo katengema endakali dupa kandanya palyetala, dokaita alyasale joo katengema doko nyakamame kandengema. Akali tata waka dupanya akali andake dupame nyakamanya pii wata-minekena lao kandatae paengema doko nyakamame kandengemaka.

Make 10:41

Pii doko sepala, disaipolo akalita dutupame Jemesapa, Jonepa dolapo tee pyao imbu kaeyami.

Make 10:43

Dopaka doko, nyakamanya kainanya mana dopale dupa naseta. Nyakamanya mende akali andake katapuli lao maseteno doko, baa nyakamanya kalai akali katapenge.