Luku 8:10 - Enga Niu Tesamene

¹⁰ baame lao pituu, “Gotenya kingdom dokonya pii tenge yalo petae dupa masalapale lao nyakama ditilyamo. Dopaka doko, nambame kongali piimi endakali waka dupa lamailyo. Dupame lengeme kandatamiaka doko, tenge angi doko kandao nanyoo, pii kaleme setamiaka doko, tenge angi doko soo nanyoaka, masala naeyaowaka pina lao kongaliaka lelyona” lea.

Luku 8:10 交叉參考

Matyu 11:25

Gii dokopa Jisasame lao pituu, “Apane, emba yuupi, kaitipi dupa pitakanya Kamongo. Mana longo kandenge endakalipi, mana longo nyepaepi, dupame dapale dupa nakandena lao yalo petala, wane koo joo katenge endakali dupame kandena lao embame panasiino dokonya nambame emba yaka pilyino lelyo.

Matyu 16:17

Dopa leamopa Jisasame baanya pii yanu pyakamaiyoo, “Saimone, Jona ikiningi, Goteme emba auu pisetae. Embame pii lelyeno doko, endakali mendeme langya naelyamo. Nambanya Takange kaiti-kisa katenge dokome emba-kisa panasimupa lelyeno.

Make 4:11

Dokopa baame dokaita lamaiyoo, “Gotenya kingdom dokonya pii tenge yalo petae doko masalapale lao nyakama ditilyamo. Dopaka doko, endakali kamalya katenge dupa kongaliaka lao lamailyo.

Make 4:12

Dupa mona kapilyetaminopa dupanya koo dupa Goteme kunao nepakamaitame-latala kongaliaka lao lamailyo. Dupame lengeme kandatamiaka doko, tenge angi doko kandao nanyoo, pii kaleme setamiaka doko, tenge angi doko soo nanyoaka pina lao kongaliaka lelyona” lea.

1 Korina 12:11

Mee dingi dutupa pitaka Spirita mendai dokomeaka dingi. Dutupa pitakame kalai pina lao, endakali mendai-mendai lao mokosoo maitoo lao masilyamoli pyoo mailyamopa dupame pingima.

Kolosi 2:2

Goteme endakali dokaitanya mona kyeto jakamaitamopa, dokaita mona setao katao, Takange Gotepa Kraisapanya pii yalo petae doko masokondape pyoo masoo, etete epe dita dupa nyimi laka lao masilyo.

1 Timoti 3:16

Gote wata-minao katenge dokonya pii yalo petae doko etete andake mende. Pii doko naimame lao panelyamano dakena salapape: Gote baa endakali jetala isa yuu dakenya epea. Baa akali tolataena lao Spirita dokome panasia. Baa enjele dupame kandeami. Baanya pii lapae doko akali tata dupa pitaka lamaiyoo taeyami. Baa yuunya endakali dupame tungi piami. Baa kaiti-kisa tii pipae dokonya lanyoo pea.