Luku 4:4 - Enga Niu Tesamene

⁴ Dopa leamopa Jisasame baanya pii yanu pyakamaiyoo, “ ‘Breta nenge dokonya-kaita iki endakali dupa saka nakatenge. Gotenya pii dupa pitakanya-kaita endakali dupa saka katengena’ lao pepa pyapae silyamona” lea.

Luku 4:4 交叉參考

Matyu 4:4

Dopa leamopa Jisasame baanya pii yanu pyakamaiyoo, “ ‘Breta nenge dokonya-kaita iki endakali dupa saka nakatenge. Goteme pii lelyamo dupa pitakanya-kaita endakali dupa saka katengena’ lao pepa pyapae silyamona” lea.

Matyu 6:31

Nyakamame neepi, endakipi dupa anja-tae namanape, yonge pee anja-tae pimanape lao masepae longo nyala naeyalapape.

Luku 22:35

Dokopa Jisasame dokaita lamaiyoo, “Nyakama munipi, nokainapi, moko peepi mende namandyoo mee pupape leo dokopa, nyakama dopale mende daa jiape?” lea. Dokopa dokaitame lao pituu, “Naima dopale mende daa nanjiana” leami.

Luku 4:3

Dokopa Sataneme baa lamaiyoo, “Emba Gote Ikiningi-tamo doko, embame kana silyamo dake breta jina laa” lea.

Luku 4:8

Dopa leamopa Jisasame baanya pii yanu pyakamaiyoo, “Gotenya pii dokonya dapa lao pepa pyapae silyamo: ‘Embanya Kamongo Gote doko embame mambo pyao, baanya iki kalai pyakamaiyoo katape’ lapae silyamona, Satane, embame namba yakinatala puu” lea.

Epesusa 6:17

Gotenya pyoo nyingi doko aiyombanya aene balu joo petala, Spirita dokonya konjuwa doko kingimi minatae kalyepape. Gotenya pii doko, Spirita dokonya konjuwa doko.