Luku 13:16 - Enga Niu Tesamene

¹⁶ Enda dake Abraame wanenge mende, Sataneme ee kana 18 pitaka anjinya palyiamo doko Sambata gii dokonya mokao nanyepengepe?” lea.

Luku 13:16 交叉參考

Make 2:27

Dopa latala baame dokaita lamaiyoo, “Goteme Sambata gii doko masetala endakali wasala naeya. Endakali masetala Goteme Sambata gii doko setea.

2 Timoti 2:26

Dopa pitinopa, Sataneme baanya masingili pina lao kone makatae dokonya dokaita lyilyamanona lao masetala, kone doko tata latala paka patami.

Aposole 13:26

“Dopana, kaimii paluma, nyakama Abraamenya mandipaenya mandipaepi, nyakama akali tata waka Gote paka kaengepi, dupame salapape. Goteme endakali dupa pyoo nyingi wai pii epe dake nyakama-kisa epena latea.

Jone 8:44

Nyakamanya takange doko Satane. Baa sambo piinya takange dokonyana, baa-kisa sambo pii iki singi. Baame pii lelyamo dokopa, sambo pii iki lenge. Tee pia dokonya pituu, baame endakali pyao kumasia. Baa-kisa kiningi pii doko nasingi dokonyana, baa kiningi pii dokonya nakatenge. Nyakamanya takange Satane dokome pingili pyoo nyakamame pimu laka lao masilyamino.

Luku 19:9

Dopa leamopa Jisasame baa lamaiyoo, “Akali dake baa Abraamenya ikiningiaka. Tenge dokonya, Gotenya pyoo nyingi doko indupa andaka dakenya ipatelyamo.

Luku 3:8

Endakali mona kapilyetae dupame mana miningimali pyoo, nyakamame mana minalapape. Nyakamanya moname tee pyao dapa lao masala naeyalapape: ‘Abraame naimanya yumbange dokonyana, naima yaka kalyamanona’ lao masala naeyalapape. Nambame nyakama langilyo: Goteme kana silyamo dakaita Abraamenya wane jina lapyaliaka.

Matyu 4:10

Dopa leamopa Jisasame baa lamaiyoo, “Gotenya pii dokonya dapa lao pepa pyapae silyamo: ‘Embanya Kamongo Gote doko embame mambo pyao, baanya iki kalai pyakamaiyoo katape’ lapae silyamona, Satane, embame namba yakinatala puu” lea.

Luku 16:24

Kandatala baame wii lao, ‘Apane Abraame, namba ita yuli dakenya tao tanda andake nelyona, embame namba kondo kaeyapala, Lasarusame baanya kingi kondeme endaki mendalapo poeyanyetala, nambanya keke dake kii nasakala epena lamaiyakapoko’ lea.