Luku 11:9 - Enga Niu Tesamene

^9-10 Nambame nyakama langilyo: Tee lelyami endakali dupa pitakame nyingima. Kutilyami endakali dupa pitakame kutao kandengema. Anda kaita gata-gata lelyami endakali dupa pitakanya anda kaita lumbakamaingi. Dopana, nyakamame tee lataminopa nyakama ditana, tee lapape. Kutataminopa kutao kandatamina, kutalapape. Anda kaita gata-gata lataminopa lumbakatana, anda kaita gata-gata lapape.

Luku 11:9 交叉參考

Matyu 21:22

Dopana, nyakamame Gote tungi pyatala, dopale mende dina lao loma setami dupa pitaka nyetamina” lea.

Matyu 21:31

Wane dolaponya andukumi takangenya masiali piape?” lea. Dokopa dokaitame baa lamaiyoo, “Wane mupa dokomena” leami. Dopa leaminopa Jisasame dokaita lamaiyoo, “Joneme mana tolatae dupa leamopa, nyakamame kiningina lao masala naeyami. Dopaka doko, takisa nyingipi, enda muni nyoo akali nyala paengepi, dupame Jonenya pii dupa kiningina lao masiaminopa, nyakamame kandeami. Dopaka doko nyakamame kandatala, nyakama mona aloo petala baanya pii dupa kiningina lao masala naeyami. Tenge dokonya, takisa nyingipi, enda muni nyoo akali nyala paengepi, dupa Gotenya kingdom dokonya wambao puminopa, nyakama napelyaminona lao nambame nyakama kiningi langilyona” lea.

Matyu 6:29

Dopaka doko, Solomoneme baanya yati tata epe dupa pitakame yati pia dupanya, palao dii auu pilyamo dopale mendeme baa yati napiana lao nambame nyakama langilyo.

Make 11:24

Dopana, nambame nyakama dapa langilyo: Dopale mende dina lao nyakamame loma setami dupa pitaka nyepelyamanona lao masalapape. Dokopa dopale mende nyetami doko nyakamanya jeta.

Make 13:37

‘Kandao isoo kalyepape!’ lelyo pii mendai dokoaka endakali dupa pitaka lamailyona” Jisasame lea.

Jone 14:13

Nyakamame nambanya kenge dokonya mende pyaka lao tee latamino doko, Takange doko Ikiningi doko-kisa kenge andake nyina lao nambame pyakato.

Jone 15:16

Nyakamame namba yapao nanyiami. Nyakama pupala dii koeyala naenge dupa manditaminopa lao nambame nyakama yapao nyepala makande leo. Takange doko-kisa nambanya kenge dokonya dopale mende nyakamame tee latami doko baame ditamopa lao nambame nyakama makande leo.

Jone 15:7

Nyakama nambanya mona andaka katatamino doko, nambanya pii dupa nyakamanya mona andaka seta. Dokopa nyakamanya mende pyekena lao Gote tee lataminopa baame latamiliaka pyakata.

Jone 4:10

Dokopa Jisasame baanya pii yanu pyakamaiyoo, “Goteme dopale mende emba mee ditoo lao masilyamo doko embame masala naelyeno. Akali endaki kamuu dii lelyamo doko apimi lelyape lao masala naelyenoaka. Masipili doko, akali dokome endaki lete katenge doko dina lao tee lapinopa dipyalina” lea.

Roma 2:7

Maka nakaeyao mana epe dupa minao katao, tii pipaepi, kenge epepi, yonge tamuala naeyao kataowaka katengepi, dupa kutao katenge endakali dupa Goteme lete etete katenge doko maita.

2 Korina 6:2

Goteme lao pituu, “Gii epe mendenya nambame embanya pii doko sio. Pyoo nyingi gii mendenya nambame emba nisiona” lea-pyaa. Salapape! Gii epe mende lea-lumu doko indupa palelyamo. Pyoo nyingi gii mende lea-lumu doko indupa palelyamo.

Ibru 11:6

Endakalimi Gote tungi pyala naelyami dokome, Gotenya mona auu pisakamaiya naengema. Gote kalyamo dokonya tengesa patoo lao maseta endakali dokome, Gote kiningi etete kalyamona lao masepenge. Gote kutilyami endakali dupa, baame yole pingina lao masepengeaka.

Ibru 4:16

Dopana, naima-kisa daa jingi gii mende ipatamopa, kondo kaenge Gote dokome nisetamopa lao, paka nakaeyao kyeto nyepala, baanya kondo kaenge kiŋi toko dokonya naima mona.

Jemesa 1:5

Nyakamanya mende masepae epe doko daa jia-kandeno doko, endakali pyalanya laa naeyao, naowe nalao, mee maingi Gote doko-kisa tee lataminopa baame ditana, baa-kisa tee lapape.

Jemesa 5:15

Jisasa tungi pyatala loma sakamaitaminopa, Kamongome yaina doko etasetala baa sakataseta. Endakali dokome koo pia-tamo doko, Goteme baanya koo dupa kunao nepakamaitaka.

1 Jone 3:22

Naimame baanya mana setapae dupa wata-minatala, baanya auu kaenge dupa pitamano doko, naimame baa-kisa tee latama dupa pitaka ditamopa nyetama.

Revelesene 2:24

Nyakama Taeyataita tange yangi dupame Satanenya mana yalo petae dupa kanja naeyao, enda dokonya mana dupa wata-minala naeyaowaka pingima dupa nambame dapa langilyo: Nyakama-kisa kenda waka mende nambame setala naelyo.