Jone 9:3 - Enga Niu Tesamene

³ Dopa leaminopa Jisasame yanu pyao, “Akali dakenyapi, baanya endangi takangepa dolaponyapi koo piami mende mambele daa. Goteme baanya kalai andake dupa akali dake-kisa panao pitamopa endakali dupame kandataminopa lao pia.

Jone 9:3 交叉參考

Matyu 11:5

Lenge monda dupa lenge auu pyoo telyamino. Moko takyepae dupa kaita paelyamino. Kopetali dupa auu pisakamailyamo. Kaleketa dupame pii silyamino. Endakali kumapae dupa lenge tao kalyamino. Endakali daa jepae dupame sina lao wai pii epe doko lamailyamo.

Jone 11:4

Jisasame wai doko sepala lao pituu, “Yaina dokome baa kumasala naeyalapomo. Yaina dokonya-kaita Gotenya kenge andake doko baanya Ikiningi doko-kisa panasetamopa, baanya Ikiningi doko kenge andake nyetana” lea.

Jone 11:40

Dokopa Jisasame baa lamaiyoo, “Embame namba tungi pyateno doko, Gotenya tii pipae doko kanjapenona lao nambame emba langya naeyalope?” lea.

Aposole 28:4

Kanopato dokome baanya kinginya kapusetae sia doko yuu tange dupame kandatala nyakama-lapo laloo pyoo, “Kiningi, akali dakeme endakali pyao kumasingi-lamo. Solowatanya yaka ipupyaka-lamo doko, tolasingi gote enda dokome baa nakatena lao pyao kumasilyamona” leami.

Aposole 4:21

Akali moko takyepae auu pisakamaiyambi doko ee kana 40 yalatae. Tenge dokonya, baa auu pisakamaiyambinona lao endakali dupame masetala, Gote mambo piami. Mambo piaminosa, akali dolapo tanda maipenge kaitini mende kandao nanyepala, deaka kyeto joo pyalanya latala pena kaeyami.

1 Jone 4:16

Goteme naima auu kaelyamona lao kandatala, baanya auu kaenge doko naimame tungi pilyamano. Auu kaenge dokonya tenge doko baa Gote. Endakali mende baa Gotenya auu kaenge dokonya kalyamo doko, Gote baa endakali dokonya mona andaka kalyamopa, endakali doko baa Gotenya mona andaka katengena lao masilyamano.

1 Jone 4:9

Naima baa-kisa lete katataminopa lao, Goteme baanya Ikiningi mendai iki doko isa yuu dakenya epena lea. Dopa piamo dokome, baanya auu kaenge doko naima-kisa panasia.