Jone 1:4 - Enga Niu Tesamene

⁴ Lete katenge doko Pii doko-kisa sia-pyaa. Lete katenge dokome endakali dupa pitaka tii pisia-pyaa.

Jone 1:4 交叉參考

Luku 2:32

Pyoo nyingi doko emba tata Israele dupanya tii pipae dokome, embanya masingi doko panasoo, akali tata waka dupa tii pisetana” lea.

Jone 11:25

Dokopa Jisasame baa lamaiyoo, “Endakali kumapae dupa sakatasingi doko namba. Endakali dupa lete katasingi doko nambaka. Endakali mendeme namba tungi pyatamo doko, baa kumapalapi lete katata.

Jone 12:35

Dopa leaminopa Jisasame dokaita lamaiyoo, “Tii pipae doko nyakama-pipa gii kuki mendatupa iki kalyaminona, iminjingi dokome nyakama ita minatana, tii pipae doko nyakama-pipa kalyamino dokopa, tii pipae dokonya paeyalapape. Endakali mende iminjetaenya paelya dokome, baa anja pelyope lao nakandenge.

Jone 12:46

Namba tungi pingima endakali dupa iminjetaenya nakatena lao, tii pisingi akali doko namba isa yuu dakenya epeo.

Jone 14:6

Dokopa Jisasame baa lamaiyoo, “Kaitini dokopi, kiningi pii dokopi, lete katenge dokopi, dutupa namba. Takange doko katenge dokonya paanya kaitini waka mendenya-kaita napenge. Namba-kisa iki penge.

Jone 3:19

Goteme endakali dupa-kisa tenge setelyamo doko dake: Tii pipae doko isa yuu dakenya ipao kateamopa, endakali dupanya mana miniami dupa koo dokonyana, iminjetae doko auu kaeyapala tii pipae doko yakineami.

Jone 5:21

Takange dokome endakali kumapae dupa sakatasetala lete katenge doko maingi. Dopaka pyoo, Ikiningi dokome endakali mende lete katenge doko maitoo lao masilyamo doko maingi.

Jone 5:26

Lete katenge Takange-kisa singi doko Ikiningi doko-kisa sina lao maiya.

Jone 8:12

Dokopa Jisasame deaka dokaita lamaiyoo, “Yuu dake tii pisingi doko namba. Namba watao ipata endakali doko-kisa lete katenge tii pipae doko setamopa, iminjetae dokonya baa napaeyatana” lea.

Jone 9:5

Namba isa yuu dakenya kalyo dakepa, namba isa yuu dakenya tii pipae doko kalyona” lea.

1 Korina 15:45

Pii pepa pyapae singi dokonya dapa lapae silyamo: “Akali tee pyao katea Adame doko lete katenge mende jiana” lapae silyamo. Etao kateamo Adame doko lete katenge maingi spirita mende jia.

Epesusa 5:14

Tenge dokonya, pii mende dapa lao pepa pyapae silyamo: “Luu paliu silyino doko sakata! Malu petae kalyeno doko sakata! Dopa pitinopa, Kraisame emba-kisa tii pisalapomona” lapae silyamo.

Kolosi 3:4

Naima lete katasingi, Kraisa doko panao ipatamopa, baanya tii pipae dokonya nyakama apata panao ipatamiaka.

1 Jone 1:1

Yuupa kaitipa dolapo nasiamopa, Pii lete katenge doko Takange dokopa tole kateambi-pyaa. Pii lete katenge doko panao ipao kateamopa, naimanya lengeme kandakondape pyoo kandao, naimanya kaleme soo, naimanya kingimi minaowaka piama. Pii lete katenge doko paneamopa naimame kandatala, baa lete etete katenge dokona lao, lao panao nyakama langilyamano.

1 Jone 5:11

Baanya Ikiningi doko-kisa lete etete katenge singi doko, Goteme naima diona lao panao langia.

Revelesene 22:1

Dokopa lete katasingi endaki andake kuni nasingi, kana kitisolo joo polepole pipae doko namba kanjale lao, enjele dokome panasia. Endaki doko Gotepa, Sipisipi Ŋaŋa dokopanya kiŋi toko dokonya katao epea.

Revelesene 22:16

Jisasame lao pituu, “Namba Jisasa, nambanya enjele dokome pii dutupa nyakama siosa dupa panasoo langya epena leo. Kiŋi Dapitanya mandipaenya mandipae doko namba. Tii pyoo yuu yongao katenge bui doko nambakana” lea.