Ibru 10:15 - Enga Niu Tesamene

¹⁵ Pii mende apata Oli Spiritame panasoo naima dapa langilyamo:

Ibru 10:15 交叉參考

Ibru 3:7

Oli Spiritame dapa lelyamo: “Endakali napalenge yuu dokonya nyakamanya yumbange dupa Goteme makande piamopa, dupame baanya pii doko tanga lao mona kana jiamiliaka pyoo, indupa nyakamame baanya pii doko sepala, tanga lao mona kana jala naeyalapape.

Revelesene 3:6

Spirita dokome siosa dupa pii lamailyamo dupa endakali kale katenge dupame sepengena’ ” lea.

Revelesene 2:11

Spirita dokome siosa dupa pii lamailyamo dupa endakali kale katenge dupame sepenge. Koo pingi mana dupa ita minata endakali doko, lapo pyoo kumingi dokome baa koeyasala naeyatana’ ” lea.

Aposole 28:25

Dopa piami dokome dokaita mona mendai palya naeyami. Dokopa Polome pii mendai etao dake lateamopa, dokaita baa yakinatala peami: “Oli Spiritame naimanya yumbange dupanya lao propeta Aisaiya lamaiya-pyomo doko tolao lea-pyaa. Baame Aisaiya lamaiyoo,

Jone 15:26

“Nyakama nisepenge, kiningi pii lenge, Takange-kisa katao pyakalyingi Spirita doko, Takange-kisa katao epena latopa ipupala, namba akali dokona lao, lao panata.

Revelesene 3:22

Spirita dokome siosa dupa pii lamailyamo dupa endakali kale katenge dupame sepengena,’ ” akali dokome lea.

Revelesene 3:13

Spirita dokome siosa dupa pii lamailyamo dupa endakali kale katenge dupame sepengena’ ” lea.

Revelesene 2:29

Spirita dokome siosa dupa pii lamailyamo dupa endakali kale katenge dupame sepengena,’ ” akali dokome lea.

Revelesene 2:17

Spirita dokome siosa dupa pii lamailyamo dupa endakali kale katenge dupame sepenge. Koo pingi mana dupa ita minata endakali doko, manaa nee yalo petae dokonya mendatupa nambame maitala, kana kyeo lapae mende maitoaka. Kana dokonya baanya kenge enenge doko pepa pyatae katata. Kenge pyatae doko endakali mendeme nakandata. Kana doko nyeta endakali dokome iki kandatana’ ” lea.

Revelesene 2:7

Spirita dokome siosa dupa pii lamailyamo dupa endakali kale katenge dupame sepenge. Koo pingi mana dupa ita minata endakali doko, lete katasingi ita dokonya baa dii lyao nena lato. Ita doko nambanya Gote dokonya yuu etete epe dokonya katengena’ ” lea.

Ibru 9:8

Dopa pingi mana dokonya Oli Spiritame naima dapa pyoo laitaka pilyamo: Sele anda wambatae doko kateamopa, mee endakali dupa panda nee nyetae dolaponya kolandapenge kaitini doko lumbapae nasia.

Revelesene 19:10

Dopa lateamopa, nambame baa mambo pyalanya baanya moko katea dosa luma lakapala langalu yuunya sio. Dokopa baame namba langyoo, “Embapi, Jisasa baa dokona lao, lao panenge embanya Kristene kaiminingipi, dupa naima kalai mendai pingina, embame namba mambo pyala naenya, Gote mambo pyaa” lea. Aipumape, Spirita dokome masepae mailyamopa, endakali dupame Jisasa baa dokona lao pii lao panengema.

Jone 1:15

Joneme wii lao, “ ‘Akali nambanya maitanya epelyamo doko namba ipa naeyopa baa ipatea. Namba namandengesa baa katea-pyaana’ lapu doko akali dake lao lapuna” lao, lao panea.