Zakaria 4:12 - Eipomek

¹² Nyapsopura, adiparyuk yuk ning ton asipdese. “Naio, azaitun yo bitinye tikamdika irikna tam ara, yo taruk bitinye leknamle ning ara, aning deice dekna weik ning, el si emas arye, pinibuka bitinye deiamik ning ara, zaitun mek dikuka, deibikba bana ati, kintinip deiamika deiyok ara, yata ati do?” nyabuka asipdese.

Zakaria 4:12 交叉參考

Hagai 1:1

Allah Yahweh arye, “Na si eren aik uluplobik ning ara, tuba tamubuka dopnululume,” nyapdeibuk talak ara, Raja Darius birye, ninye deiyoknye kibuka, Persia mutuku ulamik ninye nirya taleamuk talak ara, keting tamun like bitinye kibuk. Aketing tamun deice aryuk, wala ara nakub wala kibuk. Awala deice keting noutam tonok, tanggal 1 kibuk sum ara ani. Asum ara, Allah Yahweh arye, Yehuda mutuku ulamik ninye noutam arye, Gubenur kibuka taleamuknye, el si ara Sealtiel, el mi Zerubabel ap, tonda, Allah el si eren aik noutam talibuka, pil dona deiyok nang, sik imam-imam weik deiyoknye kibuka ulamukce, taleamuknye, el si ara Yosadak, el mi Yosua ap ati, “Sik dam nyalbinulyame,” nyabuka, nabi Hagai dam yanuka nyapdeibuk.

Zakaria 4:11

Nyapnukura, narye tamubuka, amalaikat ati, tuba tonap asipdese. Ara, narye, “Alampu deibika deiyok dam sirik tam ap, kwanim tam ap, zaitun yo bitinye tikamdika deiyok ara, yata ning ati do?” nyabuka, asipdese.

Zakaria 4:13

Asipdesiba, na ap neika yupu talipmanumu malaikat arye, nati nyapnuke. “Aning abitinye aupmal ning ara, anda bita moubuka kum bikmamu do?” nyabuka, nati asipdenukba, narye tamubuka, “Kume na nio, nara min kum biksa ati, na walwale,” nyapse.

Matius 20:23

Nyaprikba, Yesus arye tamubuka nyabuk. “Na nong deice ikin ning deipnamniyaka ap, na donamna ap, dipnamna ap, nirya ara, aminyan talak anggun babye atonun wininamrum bukni, na tukwak mutuku tamubuka yanirye, aning-aning nirya talinamne talak, na kwanim taruk tam ap, sirik taruk tam ap bukuka weik deiyok nang una ati ara, narye aning kum arepsitinye. Narye anggun ninye deiyok nang una ati, kum dopdeipsitinye. Na dana-dana tam deiyok nang kibuka bulyanamak nang ara, na ni Allah arye tenyamukce, kintinibuka wipdeiamuk nanguk, aminyan talak anang wipdeiplyopura, na dam bulyanamdake,” Yesus arye nyabuk.

Wahyu 11:4

Abitinye nang ati ara, sik winipmanto ning ara, duk moulamle yo si ara, Ara yo bitinye ap, weisa delin ning bitinye ap, dobuka deibikba, aning-aning nirya ap, tukwak mutuku nirya ap talilirye, Weik Deiyoknye, el urasin tam deibikba dilule.