Tonoknye el si Amon, el mi Yosia bira, Yehuda yala ninye sik ninye deiyoknye ulamuk. Allah arye yanuka yupu nyabuk. Sisinanye Raja Yosia birye Yehuda yala ninye ulamik mutuku taleamuk talak noutamak, keting tamun mikbarye (13) tahun deice, Allah el si Yahweh arye Yeremia biti yupu yanuka nyabuk. Yeremia bira, Allah el yupu laka nyana deiyoknye, nabi ulamuk.
Yoel 1:1
5 交叉參考
Na ni koproba el si ara, Busi. Na ni Busi bira, Allah el si eren aik pum tam, pil donanye ulamuk touk, nara el mi Yehezkiel birye, apiluk donune. Allah el si Yahweh arye, el mikip arepnuka deice arye, mambul ning laka upmokba, eipse. Aulamse talak arye kekenmasibuk, Allah arye mambul yupu ton nyapnuke. Allah el si Yahweh arye, mambul yupu nyapnuka ara, Babel mutuku noutam bukni, mek si Kebar mekin dam unmase talak arye, ayupu nyapnuke. Nyapnukce, Allah arye nati, ‘Na yupu laka nyalbinamle’ tenen, el mikip, na nong deice deipnuke.
Yehuda yala ninye ulamik mutuku talibuka ulamik ninye deiyok nang, sik si ara, Uzia ap, Yotam ap, Ahaz ap, Hizkia ap, sik anang arye, Yehuda mutuku noutam ulamik nang nirya taleamik talak ara, Allah Yahweh arye, nabi Hosea biti yanuka, yupu nyalilamuk. Atalak noutamuk, Israel ninye talina ati, sik ninye deiyoknye bira, Yoas el mi Yorebeam birye, Israel yala ninye taleamuk. Winibuka taleamuk talak ara, Allah Yahweh arye, ninye si Beri, el mi Hosea biti nyalilyangalamuk. Israel ninye ap, Yehuda tam ulamik ninye ap arye, Allah el yupu nyapdeiamuk atonun, kum winilamik ati, Allah Yahweh arye, Hosea biti anyuk nyabuk.
Aning ara pia kume. Allah el yupu laka nyalamik nang, sik nabi nang arye seklamik yupu nirya ara, talye nang arye, ‘Ayupu ara mambule, ayupu ara seklulume,’ nyalamika deice arye kum seklamik. Aning kum bukni, Allah El Dib Kanye arye, nabi nang sik talima noutam yupu nyabuka, pil dolamuka deice arye, Allah el yupu laka nyalamik nang arye, sik yupu nyabuka seklamik. Ara, Allah El Dib Kanye arye anang ati, el mikip areamuka deice arye, apil dolamik.
廣告