Yehezkiel 1:5 - Eipomek

⁵ Winibuk talak, auku noutamak dinmasiba, kam ulul ning dumbarye unmekak eipse. Aning dumbarye nirya ara, sik urasin ninye urasin atonun unmekak narye eipse. Akam ulamle ning dumbarye ning, sik urasin ara, mitikto ninye urasin atonun unmekba, narye eipse.

Yehezkiel 1:5 交叉參考

Yehezkiel 1:26

Eitam ubuk ning, aik arum atonun ning deice tam ara, ninye deiyok nang bulamak ning atonun ning ubuk. Abun ning, el urasin ara, dekna weik keil, el si ara nilam keil, el urasin puturuna ara, im kalum atonun ubuk. Tonda, abulamak ning deice tam ubuk ning ara, ninye urasin atonun, kam un ning ton upmokak eipse. Akam un ning ara, ninye urasin atonun ubukbuk, narye eipse.

Yehezkiel 10:15

Ura aminyan talak ara, sik aKerub nirya ara, lakuka sik pol deice arye, lakuka banmek. Aning nirya moubuka dipdesirye, bikse. Ara, ‘Se, aning ara, minop talak, Kebar mek lilun tam arye akunum eipmase ning ukaʼ tenen, moubuka bikse.

Yehezkiel 10:17

Ati, sik yuk-yuk bana kume. Sik Kerub nirya ara, tonokak dem bablobuk tikmek talak ara, sik yan serek babye asukumuk unmek. Aning atonun, sik Kerub nirya, im tam lakuka welepnarye, tuba tonap tamubuka, yanapna, binapna kinmek talak ara, sik roda babye, atonun neika melibuka banmek. Yuk-yuk kum banmeka deiyok ara, aKerub, sik kanye talima babye, sik yan roda noutam nirya babye, adip kanye uk ulamuk.

Yehezkiel 10:20

Winipmokba, narye moubuka dipdesirye, tuba tonap tamubuka tenipsirye, moubuka bikse. ‘Se, aning kam ulye ning, si Kerub ara, minop talak ara, Kebar mekin unmase talak, eipmase ninguk ulule,’ tenepsirye bikse. Aning Kerub nirya ara, minop talak Kebar mekin dam, Israel nang arye si erenyak Allah, el amu tam uamuk ning, eipmase ning ara, akunuma, sik babye aKerub nirya anyuk eipse.

Wahyu 6:6

Atalak ara, sik dumbarye kam unyak ning noutamak arye, ninye yupu nyalamak atonun yupu deice arye nyanmekba, ayupu kekepse. “Wini talak ara, tonok sum nirya arye, ikin pil donmaca ani, dekne ning arenamak deice arye, din ning mitik anunuk dekenamake. Ara tonok sum nirya ikin pil dobikirye, dopropnamak dekna ning deice arye, roti dana deiyok ning, atu ato ning, el si ara terigu, tonok literuk deknamake. Akumopura, mitik teleb ning yakong atonun ning ara, 3 literuk deknamake. Bukni, Ara yo duk teikikibuk, basam kop atonun mek kwelamak ning ap, anggur mek dilamak ning ap ara, dauplye. Ance aning bitinya ati malye ulina kume, Ara yo kan-kan ap, anggur tapu wa ap ara telebuk unamle,” nyabukba, kekepse.