Rut 1:9 - Eipomek

⁹ Nyabukce, ayupu ton nyabuk. “Allah el si Yahweh arye, anggun sal tamubuka dona ati ara, elce tenepsuk ninguk birumunce, teleb ubuka unamdurume. ‘Anggunce nati teleb updeipnin, yanganururum touk, Yahweh arye anggunti, teleb kipdeipnamsile’ tenen, Allah moronamsine,” nyabuka, Naomi birye akilapu ati nyapdeibuk. Yupu akunum nyapdeibukopura, “Teleb aryuk daunamdurume,” nyabuka, mutubukopura, Orpa ap, Rut ap, sikda, weik arye engeprik.

Rut 1:9 交叉參考

Kejadian 27:27

Nyabukura, Yakub arye, el li dam biyukce, Isak ara Yakub arye, Esau el baju ongopmok ning nintong kekebukce, teleb yupu nyabuk. Ara, ‘Allah arye, na mi Yakub ati, melibuka teleb kipdeipnamle’ tenen, ayupu nyapdeibuk. E, na kanye deipkine. Allah el si Yahweh arye, buru tam noutamak wa tuku teleb kipdeipliba, nintong teleb lelamle touk, na mi el baju deice ara, anintonguk panapmalba, kekepmane.

Kejadian 29:11

Arebukce, Rahel biti taruk talibuka engenmok.

Kejadian 31:28

Aninguk kum bukni, ton malye winipnulum ning ara, lo kum arepnulumba, na kilmapu ap, sikce deiamdik mapu ap ati, “Telebe dabilulume,” nyabuka kum kipse. Aning nirya akunum winiplum ning ara, kanye bona kum arye, walwal arye winiplume.

Kejadian 45:15

Tonda Yusup birye, el du yapu nirya ati, mutubukce, engenauk unmok. Anirya akunum winibukopura, el ap, el du yapu nirya ap, yupu sisikinmek.

Rasul 20:37

Allah morobukura, sik anang nirya arye Paulus elti, bico tenebikce, “Telebe dabilyame,” nyabuka iribikce engenmek.

Rut 1:10

Engeprikce tamubuka elti, nyalbirik. “Nongo ance nun batakana kume. Nun neika neiktoto bibirye, an yala ninye ulamak mutuku uk binamabe,” nyabuka moroprik.

Rut 1:8

Atalak ara, bisik banmek bukni, Naomi birye sik akilapu bitinye ati nyabuk. “Teleb ning ara, anggun adiparyuk tamubuka, anggun nin yapu damuk bidurume. Na mapu bitinye akunum diprik nang ara, anggunce domrumce, kanye deibuka, teleb ubuka pil dolamdumce, nati weik arye kanye deibuka meilyamnurume. Aning nirya ati ara, Allah el si Yahweh aryuk dekna weik deknamsile. Anggun meilyamnurum touk, ‘Allah arye teleb kibuka melinamsile’ tenen, anggunti Allah moronamsine,” Naomi birye nyabuk.

Rut 3:1

Rut ap, el yamal kil Naomi ap, neika daulamdika ani, tonok sum ara, Naomi birye nyabuk. “ ‘Narye anti, ninye dopminba, pia melimkiliba, telebakuk, neika unamlame’ tenen, pia piribuka enamne. Ninye dopminyeba, an patapkilye ning nirya ati, melimkiliba, telebakuk pia unalame. Aning ara, mambul weik anya arye, enamkine. Ati, moubuka tenenamlyame.