Rut 1:7 - Eipomek

⁷ Naomi Moab mutuku arye batakuka yanuyik talak ara, el mapu domdirik kilapu ap, sik neika, ‘Yehuda mutuku tamubuka binamap’ tenen, bisik banmek.

Rut 1:7 交叉參考

2 Raja-Raja 8:3

Pilistin ninye ulamik noutam daulamuka ani, aning nirya keting tamun tekbarye (7) deice akunum ubuka, sirya ubukopura, tamubuka Israel mutuku noutamuk yayuk. Tamubuka yayukopura, el mi ap, ansinibuka ninye deiyoknye Raja, el aik birikce, sik min arye batakamdik asik ap, sik mutuku tuku ap ara, “Tamubuka nunuk arepsilyame,” nyabuka morolbiyik.

Keluaran 18:27

Sik nirya daulamika ani, aminyan talak ara, Musa birye, el yamal koproba Yitero biti, “Telebe an mutuku koprop, tamubuka dabinulyame,” nyabukba, Yitero el mutuku koproba tamubuka biyuk.

Rut 1:10

Engeprikce tamubuka elti, nyalbirik. “Nongo ance nun batakana kume. Nun neika neiktoto bibirye, an yala ninye ulamak mutuku uk binamabe,” nyabuka moroprik.

Rut 1:14

Nyabukba, Orpa ap, Rut ap, aning kekeprikce, tonap weik arye engeprik. Engeprikopura, Orpa birye, el yamal kil Naomi biti, iribuka mutubukce, “Telebe dabilyame,” nyabukce, el mutuku uk, tamubuka biyuk. Bukni, Rut elda, ‘Na yamal kil bataknirye, na mutuku tamubuka kum bitinye. Asukumuk unamne,’ tenebukce, el yamal kil bitibuk iribukce, asukumuk unmok.

Rut 1:6

Dipdik talak ara, Naomi ap, el mapu arye domrik kilapu ap ara, Moab mutuku uk unmekce, kekenmekba, yuk nang arye, ‘Allah el si Yahweh arye, el mapu Israel ninye ati, bicoe tenyamukce, melilamuk deice arye, mok weik areamukba, sik wa wibuka koulamik ning ayala-yala nirya teleb ubukba, dina weik bobikirye, din ning weik dilamake,’ nyanmekba kekebikce, Moab mutuku ara, batakuka yanuyika ati, sik nirya kintinibuka deibik.

Rut 1:8

Atalak ara, bisik banmek bukni, Naomi birye sik akilapu bitinye ati nyabuk. “Teleb ning ara, anggun adiparyuk tamubuka, anggun nin yapu damuk bidurume. Na mapu bitinye akunum diprik nang ara, anggunce domrumce, kanye deibuka, teleb ubuka pil dolamdumce, nati weik arye kanye deibuka meilyamnurume. Aning nirya ati ara, Allah el si Yahweh aryuk dekna weik deknamsile. Anggun meilyamnurum touk, ‘Allah arye teleb kibuka melinamsile’ tenen, anggunti Allah moronamsine,” Naomi birye nyabuk.