Rasul 9:4 - Eipomek

⁴ Saulus tuku deice puplobuka lalakmok bukni, ninye yupu atonun arye “Saulus Sauluso. Yata ati ikin ning na nong deice deilinilyam do?” nyabukura, kekebuk.

Rasul 9:4 交叉參考

Kejadian 16:8

Eibukce, epdarikba, im deice pil donanye birye nyabuk. “Hagaro, Sara el pil melin kilo. Dan mutuku arye, yanmalam do? Tonda, dan mutuku ‘Binaman’ tenen, bisik banmalam do?” nyabuka asipdeyuk. Asipdeyukura, Hagar birye, “Kume, na deiyok kil Sara bira, batakuka, ‘Yuk mutuku binaman’ tenen, abanmane,” nyabuk.

Kejadian 22:11

Taruk ereptalibuk bukni, Allah el si Yahweh arye, im deice pil donanye, Malaikat tonoknye dopdeibukba, im deice arye, Abraham biti yukubuk. “Abraham, Abraham,” nyabuka yukubukba, Abraham birye tamubuka, “Na aunmana atia,” nyabuk.

Kejadian 3:9

Duknuprik bukni, Allah el si Yahweh arye, Adam ati, “Anda danaka unmalam do?” nyabuka yukubuk.

Keluaran 3:4

Utenebukce, binuka dilbiyuk. Binuka dilbiyukbuk, Allah el si Yahweh arye, kel kibukce, yo mutmuta noutamak arye, Musa biti nyabuk. “Musa, Musao,” nyabuka yukubukba, Musa birye, “Na unune,” nyabuk.

Yesaya 6:8

Nyapnuk talak uk, Allah arye yupu ton nyanmokba, kekepse ning ara, ani. “Yatanye wipdeipniba, na yupu nyalbinamle do? Nun yupu laka nyalbana ati, yatanye birye nyalbinamle do?” Allah arye nyapmokba kekepse. Nyabukura, narye nyapse. “Kume, na aunman ati, ance na uk wipdeipniminba, narye an yupu laka nyalbinamne,” nyapse.

Yesaya 63:9

Allah bico tenelamsukce, ‘Israel ninye lyenamne,’ tenelamsuka ati, Israel ninye nun dam ikin ning yangalamsukba, ikin weik ulamupu talak noutam nirya ara, el babye ikin kanye bolamuk. Winilamuka ati, ikin ulamsuk bukni, lyepsuk ning ara, ara el dam ulamuk malaikat dopdeipmokba, kum lyepropsuke. Tonda, yuk melin nang ton dolilamukba, kum lyepromsike. Aning kum bukni, nun ikin ulamsuk ning nirya ara, Allah elcuk lyelolamsuke. Allah arye, ‘Na mapu bicoe, minopce kum wenepnamne’ tenen, melibuka lyelolamsuke. Minop talak keting tamun yupa weik noutam nirya, Allah arye nun apu Yapu Israel ninye ati, melibuka bobalamsuke.

Zakaria 2:8

Allah arye, na nabi Zakaria biti, nyapnuka deiyok ara, ani. Ara, yata mutuku nang arye do, anggun Israel yala nang ati, yanuka olyangalamsikce, anggun ning yala-yala nirya, alubuka dololamik ning ati nyapkine. Anggun moubuka tenipdelulume! Dipkoprob nyapne. Na pia talima nang, Israel nang ati, ikin ning sik nong deice delinyak nang do, olyanganyak nang do, anggunti ara, weik tonun wenepnamsine. Deiyok ara, Israel nang ara, na pia talima nang unyaka ati, Israel nang ati, malye umunce, ikin ning deipmunyopura, ara nati malye ulin ning winipmanuluma ati, nyapsine. Nara Allah Yahweh, im deice unyak yin talen malaikat nirya ara, sik deiyoknye ununa ati, naryuk ayupu nyapmasine.

Bilangan 16:45

“Anggun bitinye ati derepmasiyak ninye ara, sik Israel yala ninye dam arye, an ap, Harun ap, minop kisikdakuka, yukak binuka unamdurume. Sik aninye nirya ara, bulupmakce wekmakak aryuk, yanuka opnune. Like tonok aryuk, malye ninye nirya opniba, kum unamake,” nyabuk. Nyabukba, Musa ap, Harun ap ayupu kekepdikce, tuku deice sakuka malbirikce, kisok tuku tam kanupdongobuka, Allah ati moropdik.

Matius 25:40

Asipdenicopura, nara, weik ninye deiyoknye Rajanye birye, aninye ati nyapnamne. “Na dipkoprop nyapsine, nati diba tenepnik nang, na mapu ara, bona utotoa talina kum ninye ap, sekeltakne ninye ap, yuk nang arye, ‘Aninye ara mambul kume,’ tenenyak ninye ara, anggunce tonoknye babye melilamlum ning ara, nati melilamnulume.”

Lukas 10:41

Nyabukopura, Yesus arye Marta ati tamubuka nyabuk. “Marta, Martao, pil weik donmalamce, aning-aning nirya ati, ‘Se, yata wiripnun do?’ tenen, kanye bokoltonmakil akarye, kanye imun deice arye nyapnilame.

Yohanes 18:6

Yesus arye, “Na aunmane,” nyabukopura, anang nirya arye, ilil ubukba, mitik otam memeprobikce, tukwak poubik.

Yohanes 20:16

Maria arye nyabukba, atikmoknye Yesus arye akil ati tamubuka el siuk, “Maria,” nyabuk. Maria ara, keil deiya damuk dinmoka anya arye, Yesus arye el si nyabuka deice arye, adiparyuk Maria moubuka tenebukce, tamubuka Yesus tikmokak eibuka, amutuku yupu Aramaik deice arye, “Rabini (Guru), na peterena deiyoknye,” nyabuk.

Yohanes 21:15

Sik nirya akunum dibikura, Yesus arye Simon Peterus ati, ayupu nyabuk. “Wisinye Yohanes arye deipkuk mi, anda Simon Peteruso, anang ara, kanye delininyak bukni, an dan do? Ance nati weik arye kanye delinilyam do?” nyabuka asipdeyuk. Asipdeyukura, Peterus arye, “Diba, naio, an kele. Narye anti, ‘Na du koprop’ tenen, kanye delikunune,” nyabuk. Nyabuk bukni, Yesus arye tamubuka domon yupu deice arye, “Ati, na domba ati, sik din arenamlyame,” nyabuk.

Rasul 5:10

Peterus arye ayupu nyanmoka ani, sirye batakalongoyuk talak ara, Sapira adiparyuk Peterus el yan dam daksakuka dibuk. Dibukopura, akam nang arye wekuka tomobik anye, el nong bobuka buru bobiyik akarye, el akanye weipmekak damuk binuka weibik.

Rasul 9:5

Kekebukce Saulus arye nyabuk. “Naio, an yatanye birye nyapnilam do?” nyabuka asipdeyuk. Asipdeyukura, Yesus im deice arye, ninye yupu atonun arye ayupu ton nyabuk. “Ance ikin ning nati deliniminya ara, Yesus natia,” nyabuk.

Roma 11:22

Aning ati ara, Allah arye nunti bico tenebuka namin asa arye lyelosulul ning ap, tonda malye winibibye ning ati, el yu upliba, wenesilye ning ap, deice arye moubuka tenenamlulume. Ara, sik minop talak ulamik Israel ninye ara, diba tenena kumce, pia malye weik ulamika ati ara, Allah arye yu ubukba, wenebuka oplobuk. Bukni, anggun Roma mutuku ululum ninye ap, yuk Yahudi yala kum ninye nirya ap, elti, diba tenelulumce, tuba talimunyopura, Allah arye anggunti, bico tenebuka namin asa arye pia melinamsile. Bukni, elti, diba tenena kumce, yaniptapmunyopura, ninye arye malye yala ning kouamna kwenebuka bataklamak touk, Allah arye anggun babye atonun kibuka bataknamsile.

1 Korintus 12:12

Ara, na kayapu, yuk yupu ton nyapnusine. Nun nong ara, kisok, taruk, yan, aning-aning nirya weik aupmalibuk, yuk-yuk usulul bukni, nun nong tonok dukdongobuka unyabe. Aning atonun, nun Kristus ati dib tenenyap ninye ap, el ap talima dukdongobuka unyaba deice arye, nong tonok unyabe.

1 Korintus 4:7

“Ninye si kum erelinamlulume,” nyapmasina ara, talye ati kum nyapsine. Deiyok aupmal ning ara, nyapnusine. Ura, ninye nirya pia ato touk, kum wininyak bukni, pil dona deiyok ning, yuk-yuk areplibuk, ‘Sik kanam aryuk, pil donamaka ara, yala yuk-yuk unamle’ tenen, kweipdeipsuknye bira, yatanye birye do? Anggun bidamnye arye kume. Aning atonun, anggun taliplum ning nirya ara, elce kum arepsukbuk, anggun bidamnye arye doproplum do? Anggun deice aryuk, aning nirya aupsuk do? Anggun taliplum ning nirya ap, anggun winimunye ning nirya ap, Allah el deice aniryuk arepsukbuk, dopropluma anya arye, ‘Nun deice aryuk usulule,’ tenemunce, dilana ap, kwalina ap, winimunye ning ara, yata ati do?

Efesus 5:30

Nun nirya ara, yuk-yuk unyap bukni, Kristus arye, kanye talima dukdongopsukce, el tonok nong atonun kipdeipsuka anya arye, nun patapsilye ning ara, melibuka aresulule.